日記~13/3/2021 ~ 加料潤膚霜 (Patreon)

星期六 晴天 一早起身已經著了燈，廣播已經6:45，起身摺好床就睇下報紙 (圖附要怎樣摺)，今日星期六半天工作，有人出咗去荔枝角，所以我地要做曬佢個份工作！分工合作當然冇難度。當回到休息房寫緊信時，突然保安男哥搵我，叫我上保安房，見到沙展偉哥，問咗幾句普通事之後，就入正題，都叫

星期六  晴天一早起身已經著了燈，廣播已經6:45，起身摺好床就睇下報紙 (圖附要怎樣摺)，今日星期六半天工作，有人出咗去荔枝角，所以我地要做曬佢個份工作！分工合作當然冇難度。當回到休息房寫緊信時，突然保安男哥搵我，叫我上保安房，見到沙展偉哥，問咗幾句普通事之後，就入正題，都叫咗妹妹唔好做多餘嘢，外邊做錯事，囚中人受罪，唉！成日唔聽人講！寫信又要宛轉，妹妹又直腸直肚，凡事唔懂轉彎，成日要人劃公仔劃出腸，希望今次她明白我講咩啦！比人鬧完，返活動室繼續寫信，順帶寫多一封比佢！！(在潤膚霜加入精油，可能香味太濃，因為所有物資會給輯毒犬聞，以防運毒入到監獄)好笑係阿爵話食咗呢到9個月飯，可樂叔話佢食咗5年啦！真係唔知話佢有毅力好，定係話佢可憐好。晚上個個爭住睇大波少女相「解悶工廠」，有人話要攞去幻想一下，我叫唔好有漬喺度呀！哈哈，我未睇完，返倉寫日記！