日記~15/3/2021 ~ 唔見嘢必定要出聲 (Patreon)

星期一 晴 天氣回暖，五點幾啲雀仔好嘈，六點半已經天光，每晚都係10點前上床，一早起身都係睇下報紙，喺呢度睇書、睇報紙、抄歌、寫信回信、寫日記等都成為了習慣，但相信出返去唔會抄歌、唔會寫記等等，一一都唔會做，只會影印。所以牆內牆外根本就係一個平衡時空，生活模式完全不同。 剛剛過

星期一  晴天氣回暖，五點幾啲雀仔好嘈，六點半已經天光，每晚都係10點前上床，一早起身都係睇下報紙，喺呢度睇書、睇報紙、抄歌、寫信回信、寫日記等都成為了習慣，但相信出返去唔會抄歌、唔會寫記等等，一一都唔會做，只會影印。所以牆內牆外根本就係一個平衡時空，生活模式完全不同。剛剛過了星期日，工作時發現廁所去水位去得好慢，一定塞咗。獄中囚友大部份都係粗人一個，無麼知識，亂咁來，分分把報紙雜物掉入廁所想沖走，因為有什麼後果都唔關佢事，只求方便。幸好我哋期數全部都係有教養、有禮貌、守規則嘅囚友。今日冇什麼特別事發生，只係派物資時漏派了兩樣東西，2A電及洗手液！最重要一定要出聲，要同職員講，如果唔出聲就會石沉大海，出左聲應該可以攞得返，因為入物資有紀錄，所以一定要係探訪時講清楚入左什麼。囚友日見夜見，大家真係會有小磨擦，但始終日見夜見嘈兩句好快就冇事！我在囚中都唔記得幾時開始唔食豬、牛，只係食白肉及蔬果為主啦，囚中明顯營養不足啦！而且豬牛可以賣比人，兩支煙一塊肉，煙就係錢，我可以貫其他食物，其實監獄有好多地下交易消費。