請停止登出地球( '-' ꐦ) 同白卡me一齊學如何調節情緒 (Patreon)

精神病患者經常被社會污名化。記得細個嗰陣，成日聽到啲大人話邊個又”黐咗線”、”傻咗”、”癲咗”。

直至中學嘅好朋友因原身家庭關係確診躁鬱症，就算去咗澳洲我都係間唔中同佢打電話，一直視為正常人咁聆聽同陪伴。每次病發我都唔覺得自己有被推開，反而係第一次有人咁信任我，感覺距離近咗。

雖然當時有好多唔理解嘅觀點，聽到後無法身同感受，但社會係咪真係有必要對他人咁大惡意？我拒絕將任何有需要嘅人視為異類
-

(比我十世都估唔到)

自己大學後因種種因素flashback重現，焦慮症轉抑鬱症轉bipolar，呢兩年真係好無助，有種永遠好唔返嘅感覺。就算咁多年嚟都係咁諗，堅持做政治正確撚，被確診後始終會自己覺得唔配被愛。特別喺求偶方面，好驚影響伴侶情緒，好難再相信人。

對他人包容度咁大，對自己反而嚴苛其實好搞笑

所以打呢篇廢文出嚟，希望有相同經歷嘅人可以relate。

以下係我垂死掙扎嘅解決方案:

1. 躁期一開始就不斷記錄，尋找一切會觸發嘅可能性。

2. 寫低當刻真實感受，複診比醫生睇返

3. 搵鍾意嘅嘢散心，可以係跑步睇書。總之做認同感嘅奴隸🧍🏻麻木可恥但有用

4. 難開口都要同身邊人解釋，避免產生誤會

5. 分享近況，奢求症狀有所改善