Home
Creators
Search
Recent
Random
Posts
DMs
Tags
Random
Importer
Import
FAQ
Account
Register
Login
Favorites
Keys
Logout
Telegram
撲水起北部都會區 (Patreon)
Content
以下文字，補充以上條片：
「借定唔借？還得到邊使借？」財政預算案嘅重點，尤其係關於財赤，應作如是觀：
01，政府心知肚明自己係唔可以係舉債渡日；因為聯繫匯率嘅設計，亦即係貨幣發行局，就係唔可以有赤字；當你有財政儲備，有幾年赤字都還可以，但結構性嘅赤字，就一定會被迫發債。
02，問題唔係發債嘅錢用係邊，而係啲債點還。大多數時候，都係「債冚債」，但總會有一個點，就要「自己的債自己買」；日本如是，歐洲如是，英國亦如是。
03，有一點大家要知，就係目前外匯基金係唔可以用來買返政府發嘅債；呢個係好基本嘅常識。但唔直接買，間接又有冇可能呢？成日都話，外匯基金理論上只應該用來買美債，唔好諗住要追高回報，原因唔係嫌錢腥，而係外匯基金第一個存在意義，就係為咗守住個聯繫匯率，別無其他。如果外匯基金攞去買任何其他嘢，最終會唔會間接，甚至間接地間接持有咗政府發嘅債呢？當然，另一個更基本嘅原則，就係追求更高回報必然有更高風險，只不過係，計得到嘅風險就唔係真正嘅風險；好多時以為係低風險，只不過係睇唔到當中嘅潛在風險。
04，所以，真正根本嘅問題，唔係啲錢點用，而係啲錢點還。所以當陳茂波話啲錢係用來起北部都會區，唔用於日常開支，呢個絕對係概念偷換。講多一次，如果你用嚟還呢筆債嘅錢係來自北部都會區，咁先至係真正嘅專項債。甚至再退一步講，只要特區政府有任何 implicit 或 explicit 嘅 guarantee ，呢啲債你點包裝都係會影響到政府庫房，係咪？
05，專項債，理應由專項嘅 SPV （Special Purpose Vehicle）去做；好似當年機場三跑發債咁。其實北部都會區都好似有個咁嘅 SPV ，就由呢個 SPV 去做囉。我甚至乎會覺得，反正成件事都係國家任務，用嘅估計都係中國啲 contractor ，成個專項用人民幣融資，用人民幣出糧，人民幣賣地，人民幣賣樓，人民幣按揭，唔爭在畀埋人民幣稅等等，全部真閉環式密封包裝。
06，記住，總結，借錢從來嘅問題都唔係啲錢用來做乜，而係你用啲乜嘢錢去還。如果還錢由係由庫房支出，咁就唔係專項債。
