【地產經濟學】機構投資者點樣影響住宅租務市場？ (Patreon)

RealPage 合謀定價案係乜嘢一回事？專業租務管理公司點樣運作？租霸風險點處理？散戶投資者可以點樣分散風險？

地產明明係一個咁重要嘅資產類別，但又好少見到有啲深入討論。坦白講，好多講地產嘅內容，一係就點樣發達搵快錢（邊個唔想？），一係就其實係講樓盤。

我知，存在即合理；明嘅。但我諗另一個可能就係，因為呢個資產類別太多散戶（本來就係用家主導嘛），所以就從用家嘅角度出發。

但好多人以為買賣有錢賺你理得我係用家心態定係投機抑或投資，有錢賺就得喇，有錢買就一定升，升咪賺囉，邊度要咁多分析。

明嘅；唔阻呢啲人發達。

另一個極端，就係「住房不炒」；對於呢種觀點，我亦都無乜好補充。

請恕我比較現實，一個有能力產生現金收入嘅資產，就係資本。任何資本都有相關嘅風險，有風險就有數計，有數計就有當中嘅學問，可以有一套大家基本上都掌握得到嘅方法去思考。

同 Jack 嘅節目，都幫吓我將啲想法慢慢咁分享；之後會唔會有系統啲咁整理，就睇吓有冇市場喇。

最後，呢個系列有個相關嘅 WhatsApp Group ，歡迎大家加入：

https://chat.whatsapp.com/FeSSB4nBNRU9qiNaKh9fSw