二月會員專訊 (Patreon)

坦白同大家講，一直我都好懷疑自己，究竟響呢個 Substack 係為大家提供緊啲乜？文字？精神食糧？

精神食糧都會滯。文字喎，我自己都老花喇，仲叫人同我讀幾千字咩。

之前我試過用香港話寫文章，但感覺都係有啲唔對路。畢竟，留底嘅文字，我唔想咁粗糙。後來我又發現，每日隨筆都無乜留底嘅必要；過後不思量喇。

所以，我改變風格，用書面語去寫；有啲朋友反映，書面語寫嘅文字，的確係更切合多數人嘅閱讀習慣。

其實不論用口語入文，抑或好正規咁用書面語去寫，對我來講用嘅時間都差唔多。更重要係，我深信文字唔只係語言嘅載體；但讀唔出聲嘅文字，亦唔係好嘅文字。

究竟點樣去平衡呢？終於我發現，最好先用香港話寫初稿，然後讀一次；讀完通常都發覺有地方要執下。執完，再讀一次，同時正經錄埋音做「聲演版」。

大家見到我嘅文章加「聲演版」，就係經過咁樣誕生出來。

最後就將香港話，執返做書面語，就成為網誌上刊登嘅內容。

可能有人會覺得：「有冇必要咁多功夫呀？」文字既然係記錄，都係整整齊齊好啲。「聲演版」嘅用意亦唔只係 quality control ；我相信親自讀一次，係可以令讀者有更直接嘅共鳴。

文字加聲音，既係一直以來最多朋友要求嘅。相信香港評論圈子入面，得我一個會咁做。

但我又知，可能有啲朋友想睇未經修飾嘅原版，另外，有啲隨筆我亦未必會再加工炮製；以上呢啲 first draft，我會響 WhatsApp / Telegram 嘅會員專區同大家分享，大家就當呢啲 making of 係 bonus 。

Telegram 會員專區 - https://t.me/+HFImkhNb_k0xYTYx

Whatsapp 會員專區 - https://chat.whatsapp.com/FGPgTTpUwqh2dsrhaVIzBU

另外，由今個月起，我會響以上嘅兩個會員專區，同大家分享精選嘅文章。

舊年我又試過每日 curate （策展，講中文一樣咁有型）有趣嘅文章，再加少少評論。但個咗個零兩個月左右，我又唔係好鍾意自己嘅 blog 入面有咁多時事嘢，我亦唔係好鍾意呢種模式。

我知道外面有啲 Patreon ，都會將 Economist 之類嘅雜誌，成份 pdf download 落嚟然後 share 畀佢哋嘅會員。但我唔想咁「左手嚟右手去」。

所以，我只係會分享我自己睇完認為有分享價值嘅內容。但我又發覺，用 Whatsapp / Telegram 做分享，似乎效果都唔錯。而我最鍾意嘅功能，係內容可以定時清零。

大家千祈唔好誤會，我唔係要迫大家一定要限時睇我晒 share 嘅內容。剛好相反。我係覺得如果係無時間嘅，就唔好太大壓力，隨緣就好。天下間無啲乜嘢係唔可以錯過嘅內容。呢一點我都要告誡自己；總之去到要相關知識嘅時候，自自然然就會福至心靈，會搵到要搵到嘅訊息，唔需要怕錯過咗啲乜。

最後，今個月一定要做嘅就係：「讀書會。」講出來，等我又畀自己少少 commitment 。

再早一年，我曾經問大家有啲乜嘢書，想睇，但又唔敢 / 冇時間去開嚟睇。其實我好鍾意呢個讀書會嘅 idea ，但係發覺兩個問題。一，就係寫成幾千字，其實大家都係唔會睇。二，我自己去寫，好寂寞，亦無乜互動。我諗大家都鍾意聽書多過讀書；但好似返學咁，最佳效果係上堂前有 notes ，講書嘅時候有互動，有問題可以討論。

由今個月起，讀書會 2.0 正式啟動。我揀咗 Kevin Kelly 嘅 Out of Control 。我仲諗緊點樣去做一個好似「勾地表」嘅制度，擺啲書上架，當有一定人數話表示興趣，就約個時間去講。

好，就此擱筆。利