Home Creators Posts Import Register Favorites Logout

Content

話咁快又到6月風水小貼士喇,今次係提供一個催工作運的方法。


師傅嗰啲嘢,來來去去,去去來來,咪又係嗰啲,你買咗一次嗰啲風水物品,可以又循環再用,你話幾盞鬼


首先,喺間屋既中心點,用羅庚或指南針,找出自己間屋的北面先。呢個動作已經熟能生巧啦?



然後又係放一個組合既東西。


今次終於唔係流水擺設喇,大家都悶啦。


首先,你拎一個正方形的陶瓷碟,白色既,師傅以前喺旺角嗰啲賣夜冷既舖頭搵過有,一間喺花墟,一間喺洗衣街,不過唔知而家執咗未。又或者去日本城呀,街市睇下有冇。


咁隻碟愛嚟做乜呢?


大家上個月有冇買到小財神呀?今次又大派用場喇。你將6隻銅造的小財神[每隻四吋倒啦,夠用架喇],放上去個正方形碟度,備用。


小財神即係乜?未買?去淘寶淘又得,雖然我麻麻地佢哋,但有時又冇計。或者喺旺角或上海街的風水物舖會有售。


如果冇, 買唔切, 或者嫌投資太大, 咁樣, 就去上海街買六個乾隆銅錢, 係乾隆呀, 唔好買咗什麼五帝錢六帝錢呀. 最好買啲閃令令的, 我唔係要古錢, 只要係銅錢就可以, 唔好去古董店買貴嘢, 只要去上海街嗰啲佛具舖就會有, 幾蚊一個.


如果再搵唔到呢? 咁你拎六個1蚊出嚟啦, 不過力量最小, 聊勝於無咁囉.


有方位,有物品,日期同時間如下:


日期:2021年6月9日

時間:6:30PM[當地時間]


又係一個月期限,完咗自己記得撒走佢。


呢個陣係幫大家喺事業上催旺的,例如升職[呢個時勢機會渺茫啦,仲要呢個月份],穩住份工穩住權力,又或者搵緊工想轉工之類,都啱用。唔好以為係催財呀,啲股票唔關事架喇。


有效冇效,大家都唔一樣,在乎你間好的好壞,如果差到無倫既屋,也希望提升一下,但願幫到你手。


祝各位Patreon訂閱戶工作順利,步步高陞!


謝繼續訂閱. :)


P.S.

最後補充, 如果咁啱北面是廚房, 就唔好放, 會有反效果.