好人壞人有樣睇?定係有八字睇?(二) (Patreon)
Content
呢個世界上, 有一種人, 叫做機會主義者, 即係喺你身邊有好多機會, 而你只是等待機會或運氣出現, 然後將呢個機會拿到手中. 今日講呢個命盤, 係屬於80年代紅極一時的譚詠麟.

其實師傅細個都係聽佢同張國榮既歌的, 嗰陣既佢好紅. 咁又關佢機會主義者咩事? 先開佢個盤出嚟睇先.
時日月年
吉庚甲庚
時寅申寅
庚金生於申月, 比劫庚金透干, 喺呢個命盤裡, 唔駛講, 金必定係最旺. 財星其實不弱, 甲木透干, 地支兩寅, 但兩寅沖一申, 偏財甲木根氣受動搖, 咁日主旺而財星弱, 原局沒有火去尅比劫護財, 必定以申中壬水為用, 格成食財生財.
呢個命盤既特點, 就係, 喺你既世界裡面, 好多機會, 但也很多競爭, 只係等待機會, 你就可以將佢拎走. 所以佢唔放過任何機會, 兼且行運. 佢17歲時入丙戌運, 七殺透干, 呢個運入面, 佢加入咗當時的looser樂隊, 仲喺某啲比賽度贏到冠軍添.
時日月年 運
吉庚甲庚 丙
時寅申寅 戌
庚金見甲木, 大運再見丙火, 雖然一直向上, 但仲同最好有一段距離. 跟住佢1976-85年丁亥大運, 庚金劈甲引丁, 大格局, 此運必發. 結果佢喺1975年單飛, 獨立發展, 喺呢十年間, 應該係佢最輝煌的時間了, 所以你話沒有命運這回事? 就係寫咗喺你個命盤上, 只係睇下你點演譯啫.
時日月年 運
吉庚甲庚 丁
時寅申寅 亥
高峰過後, 就到戊子大運, 呢個大運, 又行返地支的傷官生財, 平平穩穩, 唯一要提一提, 佢去返呢個大運, 用水忌土, 咁啱1988年戊辰年, 一柱土入局, 佢嗰年忽然宣報唔再攞奬, 真係咁啱得咁橋啊.
佢嗰陣仲走緊水運, 即係用神大運, 咁即係仍然搵到食, 賺到錢. 到己丑運1996年開始就極速走下坡, 偶爾才出來獻唱一下. 值得一提, 1996年入庚寅運, 金木交戰, 沒有通關, 而比劫尅財, 也有父親有劫之意, 咁啱佢父親就在1996年剛入呢個運既時候, 就因病去世了.
他由2006至2025年也在走比劫尅財大運, 加上年紀老邁, 走下坡也很正常, 但點解佢而家仲好似成日走出嚟抓撈呢? 其實只係呼應返一開此, 斷此人是機會主義者. 現在走辛卯大運, 天干羊刃透出, 必定見乜搶乜, 呢個就係佢本來的真心性了. 仲記得1989年北京學運, 佢深夜去同班學生唱傲; 而家就在昂然抬首在撐警, 其實他沒有變, 那裡有機會, 人就會擺到那裡.
咁呢個人身為一個男人, 是否多情呢? 又係咪好似人哋講, 帶埋隊足球隊返大陸踢一場波, 但留喺上面一個星期, 係咪會去咗無牌按摩呢? 你見個命盤, 自坐偏財, 就知佢對感情不認真, 而且異性緣重, 到處留情之人. 也有報導指出, 他本有原配, 但最後郤找了另一女粉絲為他生下一兒. 這是風流, 還是下流?
師傅一見到呢類機會主義者的八字, 實在不是太喜歡的, 因為同呢類人交不到朋友, 師傅唔係太喜歡一啲, (但係因為佢比劫旺, 又會交到好多朋友架喎) 邊度有著數就痴去邊度嗰類人, 見人講人話, 見鬼講鬼話的人. 師傅認識一個類似八字的人, 同佢傾計不太爽的, 成日講錢, 講搵錢機會, 又十分牆頭草.
對於呢種人, 我, 敬而遠之.