Home Creators Posts Import Register Favorites Logout
haven't archived this post yet. have a subscription? use the importer!

Content

今次話明係一砲雙響, 咦但係點解會分開既? 因為師傅估計, 今次like and comment任務都係未能達標, 所以將偏財同文昌分拆出嚟, 大家可以喺呢度睇到催偏財方法.

又回歸催偏財方法喇, 咁催財財用乜呢? 都係嗰樣喇, 登登登鄧, 流水擺設一枚. 其實都係呢樣, 解釋返俾各位新訂閱既朋友知道, 師傅好少將啲嘢變, 等大家唔駛個個月都買唔同嘢來催偏財, 而唔同的只係擇日既功夫, 同埋方位, 方便大家預備呀.

今次係早咗, 以後都會早少少, 因為有朋友話, 買唔切, 所以由今次開始, 比之前早兩星期出文, 等大家有大概三至四星期預備好風水物件.

今次催偏財的詳情如下:

方位: 由屋的中心點, 找出西北方 (今次師傅可以催喇, yeah)

日期: 2021年7月10日

時間: 上午8.30am (當地時間)

剛才提過, 最好係用流水擺設, 放在西北方, 而西北方最好是窗口, 或門口, 咁力量係最大. 但如果唔係, 都照擺啦.

如冇流水擺設, 想慳錢, 咁可以放香薰機, 或放濕機, 如果再冇, 咁就放杯水啦. 記住力量係會比較細的.

因為動水的關係, 唔建議放喺睡房, 最理想係, 西北方係正門或窗門, 如果係睡房, 咁放喺門口啦, 但要make sure睡房門口也是西北方. 如果一定要放睡房, 咁瞓覺時記住關咗佢, 因為會影响到睡眠.

自己計住, 一個月後撤陣, 拎走晒啲嘢, 等下個月的新佈局.

戴返個頭盔先, 呢個陣主要係增強個人偏財運, 而且有冇效唔係必然, 要視乎你佈局的單位風水本來好壞, 或者你閣下本身個運程係咪已經黑過墨汁, 而且更加不是鼓吹你去賭錢, 亂咁投資炒股, 又或者去一注獨贏全副身家盡買, 記住, 並唔係咁架. 閣下記住, 佈完局後, 你工作上會較為順利, 搵錢也得心應手, 並不是叫你去賭身家呢. 記住, 後果自負呀!

謝謝支持.

Files

Previews only