八字中其中一個抑鬱病的訊息 (Patreon)
Content
無意中發現一位歌手, 藍奕邦, 佢原來有多年抑鬱症狀, 情緒出現問題. 最近佢喺臉書出咗一篇文章, 係講述佢呢七年, 如何對抗呢種情緒低落既問題. 其實每人也會有情緒低落既時候, 有啲人可以好快好返, 有啲人遲啲, 又有啲人好唔返.



(以上截圖轉自藍奕邦的facebook專頁)
除了我哋要認識多一點, 點去關懷抑鬱症的朋友, 我哋也可以試一試喺一啲例子中, 去睇下一個命盤中, 有冇一些線索, 乜嘢八字結構, 會容易患上抑鬱, 係先天, 還是後天呢?
今次就以藍奕邦來作例子.
時日月年
吉丁丁戊
時丑已午
呢個八字, 火土勢旺, 丁火生於孟夏, 有丑土泄火之氣. 原局唔知有冇財星, 因為唔知時辰. 即係一個有財華, 而都算密密搵到錢而大家未必知咁解, 因為丑中有金水之氣, 所以佢有錢, 搵到錢, 大家都未必知, 但傷官高透, 有財華就眾人皆見了.
據佢所描述, 佢係2014年情緒開始出問題, 而當時係行緊一柱金運, 地支已有火尅金之勢, 2014係甲午流年, 所以火尅金問題嚴重
時日月年 運 年
吉丁丁戊 庚 甲
時丑已午 申 午
以五行來論, 火尅金, 即係以火來燒金(或金屬), 燒的時候, 必定會產生毒素, 呢種毒素就係會令人生病, 而情緒病亦是其中一種火尅金所引伸出來的問題.
又咁啱, 甲午年後, 到乙未, 丙申, 丁酉, 戊戌, 都是沒有解決到火尅金的問題.
到2019年己亥年, 流年氣候開始轉入北方水地, 而己坐亥也為濕土, 當時病情估計有一點曙光, 因為火尅金, 必定要濕土來泄火生金, 才能將此問題引通. 跟住2020庚子, 又是金水之流年, 病情應該進一步抒緩; 去到今年, 終於濕土泄火生金, 佢也宣佈自己戰勝了抑鬱, 又咁啱喺八字中睇得到.
時日月年 運 年
吉丁丁戊 辛 辛
時丑已午 酉 丑
好了, 咁藍奕邦佢之後, 會唔會完全冇事呢? 佢個大運, 辛酉大運到2024年就行完, 2025年開始就會行壬戌大運, 壬水本無根, 戊土出干, 變成去其勢, 反為吉, 但不能忽略流年, 當到2032及2033年, 水通根而沒有金通關的時候, 便會做成傷官見官, 那兩年必定有事發生, 所以對待此病, 必定不能輕敵, 希望他能夠完全好返晒, 到時面對未來的挑戰, 會有方法處理好.
病是很辛苦的, 情緒病也一樣, 希望大家, 不要忽略身邊有情緒問題的朋友, 多點給抒適度的關懷.