Home Creators Posts Import Register Favorites Logout

Content

睇個topic, 其實係out晒, 又咁講, 其實係師傅懶, 一直想寫, 但未有時間, 襯而家喺Sydney lockdown, 乜都停晒, 咁就搵啲啲之前想寫又冇寫到的topic嚟翻炒一下.

先睇下裕美個八字.

時日月年  運  

吉丁己戊  乙

時卯未辰  卯

呢個八字又係唔知時辰, 丁火生於未月, 滿盤食傷, 雖然生於夏天, 但土氣太旺, 丁火入定要有來源先可以被燃點著, 而呢個八字, 日主自坐卯木, 丁火最喜甲木而非卯中乙木, 所以格局較次了. 格局必定是傷官配印, 以卯木為用神.

食傷除了是聰明伶俐外, 主人之感情流露, 理智與感情之間, 必以感情行先. 所以必定很容易對心儀對像動真情. 特別是年青的時候, 因為年青時入世未深, 思想較單純, 所以也會容易喜歡上別人. 人隨著年紀越大, 這種情緒也應該有所改變.

如果有睇裕美的花邊新聞, 應該都很多都是負面, 今日當然不是為她平反. 又係客觀分析啦當然係. 大家有興趣可以睇下裕美呢幾年有關感情的新聞, 應該不會有對他很正面的睇法. 

我記得我喺群組度, 有講話, 裕美今次同林作一齊, 感情會比較穩定, 不過又係喇, 我搵唔返, 所以又係cap唔到圖出嚟. 又俾人話馬後炮. 因為食傷太旺, 一係用印, 一係用財, 咁原局都有印星, 就必定係用印啦. 佢咁啱, 2020年開始, 就行木運喇, 又係佢既桃花運, 似乎呢段感情, 對佢嚟講, 比較穩定了.

佢會行一個二十年的木運, 所以佢好似事業感情兩得意. 據林作講, 裕美而家好多生意, 分分鐘搵錢多過佢自己.

大家認住佢個八字喇喎.


我再介紹一個古命例俾大家.

時日月年

戊丙己戊

辰辰未戌


原文:

滿局傷官, 五行無木, 印星不現, 格成順局, 故其人聰明美貎, 第四柱無金, 土過燥厚, 辛金夫星, 投墓於戌, 是以淫亂不堪, 夫遭凶死, 又隨人走, 不二三年又尅, 至乙卯運, 犯土之旺, 自縊而死.


以上呢個八字, 一樣是火日元, 遇上滿盤厚土, 大家都是一樣, 在情路上, 必定不好. 但淫亂不堪, 其實只是古代同現代不同, 所以古代所指的淫亂, 在現代可能已經是視作不很嚴重的事情了.

呢個八字, 相同的地方, 就係食傷好重, 其實食傷過旺, 也有尅夫之意, 因為食傷是尅官殺(夫星)的, 所以如果傷官無制, 有很大機會有尅夫情況, 古命例呢個已說明了這一點.

和裕美的八字不同, 裕美原局有木, 所以用神必定為木, 而且不見夫星為妙, 地支辰土未土也沒有夫星. 現在走木運, 食傷配印, 所以感情和事業也會有不錯的走勢啊. (好過留喺CCTVB丫)



Comments

No comments found for this post.