Home Creators Posts Import Register Favorites Logout

Content

今個月試下幫大家催下桃花,呢個方法,係適合一啲正在求偶既人事使用既,如果已經有家室,或者已經有另一半,就唔好亂咁試喇,否則到時你一身蟻就煩。

咦,你可能會問,桃花喎,唔係等如人緣咩?

因為催桃花有很多方法,有啲係另到人與人之間的關係好轉,又有啲係夫妻間之和合,呢個方法就係男女之間既桃花,所以如果你已有另一半,仲住埋同一個單位,唔好靜靜雞去催唔同另外一半講,以為可享齊人之福,你可能幫你另一半催埋都唔定架。

方法如下,先講方位先:


係呀呢幅圖又試出現了,今次係搵出你家中的西北方。

講埋日期同埋時間先:

日期:2021年9月11日

時間:中午12:30[而家咁多WFH,應該可以安排到啦]

放咩呢?

今次係放一個童男童女的公仔,要女比男高的,識得師傅耐嗰啲,都會見過架喇。

再提醒大家,係女比男高,要係兩者感情好的,有親近之意,如男高過女是無效的。

圖中呢隻咁精美既,係我當年喺香港的裕華國貨買的,二百幾蚊,但而家應該冇架喇,希望大家都搵到啲相類似架啦。

一個月後拎走佢,即係10月10日啦。

希望喺9月份,未有著落的,可以搵到個好伴侶!

Comments

KarKar

師父, 我只想要財運, 我隻貓重病, 半年來巳好重消費. 可否下次再摆財運? thx. :)

metrofengshui

盡量搵, 因為唔係個個月都有催財同催工作的時辰, 所以下個月就催桃花同催人丁. 再下個月搵下有冇好時辰啦. :)

KarKar

師父, 唔好意思, 我想問, 其實我同隻貓, 因為睇醫生, 佢鬥氣, 關係唔好. 其實, 有無風水野可以搞? :P

Apple

師傅 我都想要工作運 屋企人搵工好耐都搵唔到🙏