林作與裕美(2) (Patreon)
Content
講完裕美, 就梗係要講下林作啦. 雖然師傅都唔係好想寫呢個無賴, 但作為一個學者, 咁都要拎佢出嚟研究下.
點解裕美會睇得上林作呢? 係呀, 冇錯呀. 裕美自坐桃花, 佢必定要搵一個靚仔, 但林作應該不能稱得上是靚仔吧.
因為裕美日元弱, 所以一見到林作, 都會有好感. 因為林作八字火旺呢.
林作八字:
時日月年 運 年
吉丁丙己 癸 辛
時巳子巳 酉 丑
林作個八字字, 丁火(又係丁火?!), 生於子月冬天, 但滿盤比劫, 必要用水尅火來護財, 咁三柱不見財星, 將來會見架嘛. 原局比劫旺, 童年嚟講, 主窮, 同埋與父無緣. 咁林作又真係咁架喎.
講返佢而家啦, 行緊癸酉運, 三合金局, 金為財星, 主金錢, 男命主女人, 所以呢個大運必有關於錢和女人的事. 之前提及, 林作八字用水, 但原局冇金發水源, 大運一來個金水, 事業即刻起飛. 由其是20/21呢兩年, 走金水的流年, 所以佢既名氣, 喺呢一兩年特別好.
剛提及過, 已酉丑三合金局, 也引動了妻官, 而去年庚金今年辛金財星也可以代表男命上的女伴, 所以這兩年間找到一個合心意的對像, 又係好合理.
咁林作咁乞大家憎, 佢個大運由2015年開始走20年, 行到2034年, 咁2035年開始行辛未大運, 呢個大運開始, 佢會慢慢衰退, 跟住一路走啲運都係火土, 好大機會打回原形.
咁有個咁有錢的媽媽, 都唔會餓死既.
咁感情呢? 辛未運開始出事, 辛金為女伴, 入局後與丙火命上, 即係自己太太女朋友鍾意咗第二個. 已未拱午, 以辛金佢女友嚟講, 呢個係佢既暗桃花, 2038戊午年, 三會火局, 沖走子水, 用神受損, 似乎呢一年, 佢會人財兩失.
之後, 佢都冇乜運行了.
有一樣好錯誤既觀念, 佢一直都沿用緊, 佢話, 佢要越多是非, 先至會越紅. 咁佢就一路喺網絡上不斷抽水, 本來人紅自然是非多, 但佢變咗是非多會變人紅. 佢咁諗法, 係因為佢個八字比劫旺要用官殺, 官殺在不利是, 可以解作是非, 咁用神係是非, 即係要是非變為佢八字中的用神?
拿你睇下個傻仔又闖禍喇.
用官殺制比劫, 或者以財生官殺, 可以走事業型路綫, 其實佢可以加強呢方面的能力, 例如佢之前有去從事做律師的行業, 呢樣都啱佢丫, 但唔知邊位高人指點佢, 必定要是非多, 才會紅. 咁佢以家係好多人識, 但唔代表呢個方法係啱, 因為呢個並不是正道嚟, 如果最終最世界都用呢個方法嚟成名, 咁咪會多咗好多人渣? 雖然而家都係架喇.
師傅勸佢, 喺佢行運之時, 好好努力工作罷啦, 搵個機會洗洗底, 唔好再出嚟抽人水喇.
不過, 佢同裕美係咪可以開花結果呢? 好橋的, 林作比劫旺, 身強其實唔需要再見印星, 印星即係佢媽媽, 即係佢媽媽係鍚佢但有時會越幫越忙. 裕美呢? 以印星為用神, 財為忌, 咦? 官殺係丈夫, 生官殺丈夫的係財星, 財星係林作的媽媽, 即係林作的媽媽係嚟壞佢好事的... 唔通世事就係咁奇妙?
Files
Previews only