Home Creators Posts Import Register Favorites Logout

Content

喺風水上,點為之一間嗌交屋?

呢個問題,其實唔同師傅,有唔同的答法,咁我就用我識嗰一套去解識啦。

有唔少案例,兩公婆本來好好地地,但一般咗新屋,成日嗌交,咁好明顯呢間屋有問題。

首先,由格局講起,乜都假,山管人丁水管財,如果山嗰一部份出問題,人丁必然有問題, 人丁也包括人和,所以個坐山如果沒有或很薄弱,屋企人就會好容易嗌交。

即係啲屋,坐向出問題。

即係又要講理氣了,例如,七運坐東向西或坐西向東,是很容易出現嗌交屋的。

七運即係乜?即係喺1984至2003年之間,落成的屋。

因為內局坐和向的星氣,很大機會有交戰的現像,也即人也會有交戰。而呢類坐向,除了向首有交戰的問題,另外,也特別多火炎土燥的位置,所以住喺裡的人,會特別容易煩燥,同埋特別唔聽人講的。

呢啲都係一啲理氣上的東西,如果唔知我講乜,可以參考返我youtube的片,有一啲飛星的教學。

咁你話喇,呢啲我唔明呀,咁有冇啲會易啲明架?

有,應該大家都聽過好多人講過,廁所對廚房,水和相沖,容易嗌交。

而事實上,呢個問題,我自己感受過,因為我細個嗰陣未識風水時,屋企將個廁所門改過,要先經廚房,後才可去廁所,即係個廁所門就係對住廚房,之但係,住落,又冇乜嗌交喎。

但有一個問題,係關於個灶頭的,就係當你屋企個灶頭,係對住個廚房門,兩者成一直綫,拿呢一種就係嗌交屋喇。

師傅就係有朋友,中過招,本來好恩愛,一搬入去,就成日吵大鑊,喊離婚。

另外,也有一啲坊間的師傅話,煮食爐唔可以對住洗手盤,爐頭隔離唔可以係洗衣機,爐頭唔可以向窗,微波爐唔可以放上雪櫃頂,之餘此類,因為水火相沖。

其實古人發明風水,係冇呢家嘢的,因為古代的廚房係同住屋部份係分開的,呢啲所謂水火相沖理論都係現代人發明,但你諗下,喺香港,十個有八個都係咁放,因為地方細,唔咁放又可以點放呢?

師傅冇睇呢啲嘢咁重,有地方,咪分開放囉,冇地方,照舊擺就可以,因為不是重點。

咁開放式廚房呢?澳洲大把,冇問題的。師傅住緊的,正正係開放式廚房,仲要爐頭對住洗手盤。師傅看重的是廚房位置,而不是呢啲所謂水火相沖的問題。

講完廚房,又講下睡房,有人話橫樑壓頂會令人嗌交,其實呢樣嘢,會令人生病多啲。

睡房床位,點都要放喺避開橫樑位置,同埋放喺呢間房裡面的吉位,咁會減少嗌交,又或者直頭會相處融洽。[嗌交次數,取決於自己性格,即係個八字啦]

仲有一樣,如果你間屋個側,有三間房,係品字型排列的,咁就係嗌交屋的戶型嚟,未買的唔好買,買咗的,冇得搞!

Comments

Anonymous

你完全正確!

Anonymous

師傅您好,如果灶頭同一間屋大門連為一線,一入大門就見到灶頭,會唔會有影響?同埋品字型睡房係咪只限於3間房既屋?如果樓下仲有一間房,樓上係品型三房。(我親戚屋企,佢成日嘈交)

metrofengshui

大門同個灶連成一綫而又望到, 即係一入大門口, 見廚房門, 再見灶, 咁梗係嚴重啦.

Anonymous

咁客廁門口對正主人房門係咪對好差?