Home Creators Posts Import Register Favorites Logout

Content

近日睇到一則剪報[係啊,竟然仲有剪報],係一位大師的專欄,係關於風水的。呢篇剪報話,人類已提早進入九運,離卦,離字係分離咁解。

咁分離係點呢?佢係指國與國之間互相離棄,互相對抗,口罩令人與人之間疏離了。即係話呢個武肺的隔離政策,令好多人分離了,不相往來。

究竟係咪咁解呢?仲要提早?點證明佢提早?

其實呢樣嘢,係來自玄空風水的一些理論,例如我們現在是身處八運的時間,是艮卦,到2024年開始,就會入九運,可以話係離卦啦。運與運之間的過場,其實亦係木星同土星在同一宮位相遇,咁再二十年後,又會再遇,到時2044年,就會交入一運,如此類推。

即係其實,九運本身都係之前出現過的,各位讀者有興趣,可以搵返180年或360年前的歷史,人類有冇忽然喺嗰段時間,變得疏離了。

坊間有很多說法,或九運會興什麼,例如話,離為火,即文明,到時科技再進一步[其實而家都已經好進步了,進步到人類好多工種都會沒有了,由機械人或人工智能取而代之。],又有說到時會變成虛擬世界,大家都會用bitcoin咁話,又有人話,離為中女,到時候女性會當權,又或者全世界女盛男還,女多男少。各種說法,到時就自有分曉。

咁你又要諗下,現在八運艮卦,係咪好多年青人走出嚟當權呢?因為艮為少男嘛,此說法站唔站得住腳,又各位讀者放長雙眼,再去觀察。

對於師傅而言,九運對我最緊要的,係由九運開始,所起好的樓宇,個星盤全部都變成九紫入中,再進行飛星起盤,到時星氣改變晒,對於風水從業者來說,又會係一個新挑戰。


PS

講起大師,我以前有買佢本註作,好耐之前的出品,我之前都寫咗篇文係關於呢本書的,大家睇下大師的預測方法,都幾有趣的:

連結如下: https://www.facebook.com/metrofengshui/posts/2583033155125817




Comments

No comments found for this post.