Home Creators Posts Import Register Favorites Logout

Content

師傅好鍾意睇唔同媒體既新聞,唔限於所謂的地方主流媒體,好似喺香港咁,而家千篇一律報導同一樣嘢,你咪要去搵一啲所謂唔同意見的媒體,又唔同的立場,咁又可以俾到唔同資訊同諗法大家。


好似呢位職業網球手咁,雖然唔留意開網球的朋友,未必認識佢,但佢宣佈今年賽季報銷,原因係佢食咗兩餐豆苗,咁究竟,係關豆苗事丫,定係佢行衰運丫?定還是行衰運咁啱又食埋豆苗衰上加衰丫?今日又去睇下佢個命盤先。


呢位職業網球手係法國藉的Jeremy Chardy,現年34歲,世界排名係73位,其實殊不簡單,必定有好健康既體魄啦。


時日月年 運 年

吉壬壬丁 戊 辛

時辰寅卯 戌 丑


日主壬水生於寅月,年時丁壬化木,地支又合出一個木局來,而壬水無根,從格無疑。咁佢一上運時走北方水地,從兒格者,不怕走比劫之運,因為水木順局,走回水地,並無相尅之意,所以一直穩步上揚。


從兒格有一特質,學習快,天才系,所以呢位球手,喺青少年時期,都已贏過不少比賽。


但從格有另一問題,喜順而不喜逆,一旦大運交入相尅之局,便會出現問題。所以2020年,佢交入戊戌大運,為土重之運,木土交戰,為之逆局也。


呢一種交戰,喺佢個八字中,會出現了制殺太過之問題,制殺太過,簡單來說,一係身體出現大問題,一係會惹上嚴重官非。


今年辛丑,丑字為今年下半年,丑戌辰三個土字,有一種刑動之意,土動又尅無根之水,七殺攻身,為急病。所以今年身體一定出現問題。


結論係,如果佢知道今年有一大劫,仲會唔會去吃兩劑豆苗?不過一切好似整定咁,佢2020年入戊戌運,咁啱就有武漢肺炎,所以要吃豆苗防疫。如果冇疫情出現,亦冇豆苗出現,佢就唔會經歷豆苗創傷了。但呢個運,佢都一樣會轉差,或許可能是其他事情而已。


Comments

No comments found for this post.