Home Creators Posts Import Register Favorites Logout

Content

今個月催工作運又返嚟了。

又再噚氣講多次,催工作係穩住你工作既地位,如果自己係打工,做又三十六唔做又三十六嗰啲,就唔好佈喇,因為會令你工作量大增。

呢個陣係幫一啲有機會升職,或想穩住份工或穩住地位,又或者搵工的人去佈的。

首先,喺間屋既中心點,用羅庚或指南針,找出自己間屋的西面先。


同上次一樣,佈局又係一個組合嚟既。

用一隻白色陶瓷造的碟,上面放六個銅造的小財神,即係下圖呢啲。


淘寶或者上海街應該有,喺澳洲的話我就唔知了,因為澳洲是百冇,或許你就近的中式衣紙舖會有,可是會天價。

如果冇財神,就用六個乾隆銅錢代替啦,上海街幾蚊雞一粒架咋,銅錢表面越"令身"越好,佈局時乾隆字面向天。


再冇咁點算呀?用六個1蚊啦,數字向天。

力量梗係財神第一,銅錢第二,1蚊銀最低啦。

有方位,有物品,日期同時間如下:

日期:2021年12月14日

時間:8:30AM[當地時間]

又係一個月期限,完咗自己記得撒走佢。

唔好以為係催財呀,啲股票唔關事架喇。

有效冇效,大家都唔一樣,在乎你間好的好壞,如果差到無倫既屋,也希望提升一下,但願幫到你手。

祝各位Patreon訂閱戶工作順利,步步高陞!

謝繼續訂閱. :)

P.S.

最後補充,如果咁西面是廚房,就唔好放,會有反效果!

注意:呢個陣也會有無效之情況,如果你份工要你打疫苗先可以返,而你又唔打,咁呢個陣就無效,因為一個小小的風水陣,敵不過一個國家之政策,阿們。

Comments

Anonymous

又無知一問如果冇純白既碟,有小小牌子名或小小公仔會唔會影響到效果?對唔住師傅,小弟為左效果所以比較謹慎,煩到師傅的話先講聲唔好意思

Anonymous

多謝師傅🙏🏻