家中或辦公室放長明燈,對風水會好嗎? (Patreon)
Published:
2021-10-29 00:00:03
Imported:
2026-06
Content
有很多師傅喜愛放長明燈,在某一些宮位,好像圖中這一類:

長明燈其實一直以來都好多人視為風水擺設,咁究竟坊間所說,有什麼作用呢?
例如,家中有一長走廊,但長期沒陽光照射,所以師傅會建議長時間放長明燈,二十四小時開住佢,咁對就會驅走一啲陰魂,因為呢啲嘢好喜歡喺陰暗地方逗留。
話雖如此,你屋企未必有鬼架嘛,冇啦啦佢都唔會入你屋,仲要長期企喺酒走廊度,等你捉佢咩,走廊又成日有人行過。
咁當然,放咗係心安理得啲的。
另外,我有見過,有啲辧公室,即係一啲高級員工的房間內,佢的坐椅後,會放一盞長明燈,話似官帽,有助事業咁話。咁因為該辦公室有好多個一樣咁既坐位,所以一排望過去,全部坐位後面,都有一枝座地的長明燈,一個個官帽咁樣就放晒喺度喇。
結果有次該公司大地震,有放官帽的嗰排住,全部被炒。
除了建議話用上長明燈後會增加陽氣驅鬼,和增加事業運外,仲有咩好處呢?
我都見過有人放在八白位置,即係理氣之中,師傅視呢粒星為財星的地方。事實上,八逢九紫,咁放並無不可,但要注意,此舉不是催財,頂多也只是催丁,還要小心流年有其他星飛到而影响效果,甚至有反效果。
師傅好少叫人放長明燈,咁當然,有需要的話,也無不可。增加陽氣,放在走廊內,可以的,但要視乎有沒有混進其他星氣,如有,此舉也會對男主人不利的,因為你要二十四小時咁長年開著佢,如果好多年都不變,佢必定會有流年係有影响的。
所以我冇乜點叫人放長明燈,就係咁解。