Home Creators Posts Import Register Favorites Logout

Content

中國網球手彭帥,有傳在微博大爆與張姓中共領導的關係,現年三十五歲的她,自爆七年前已和張高麗開始畸戀,咁佢其實感情運係咪好差架呢?


佢八字:

時日月年  運   年

吉壬己乙  壬   辛

時子丑丑  辰   丑


也有一個說法,指她已婚,老公是一個外國的網球員,不過真確性係一個迷,實際上係冇人知佢既感情生活的。[又或者係冇人有興趣知。]


呢個八字,壬水生於丑月,正官格,但己土無力,有等如冇,乙木又係無力,但天干有傷官見官之像,即係代表佢本來就係幾抗拒新相識既男性,呢個問題又係年月柱出現,即係佢年青時會唔想拍拖或者抗拒拍拖呢個情況出現。


點解要抗拒拍拖呢?莫非有內情?


呢個八字,壬子日元,已犯孤鸞煞,所謂黑鼠守空房,就係咁。佢的姻緣,好多都要同人分享,而且仲要爭輸做阿二。因為壬水為陽,子水為陰,官星係同劫財相合,而不是同日主相合。


而且佢有一啲唔見得光的桃花,唔可以俾人知。

年月支皆丑土,丑土裡面,有己癸辛,癸水又係佢既劫財,無時無刻都會喺感情上同人爭奪。咁唔見得光既桃花,自然係個辛字。埋在心底,不能表露。


今年辛丑年,辛金透干,桃花出現了,本來無人知道,而家全世界都知道了。唔怪得之一直有唔見得光之感情,原來桃花是一個所謂的大人物,咁梗係唔可以講啦,喺呢個國家,爆國家機密係好大鑊架嘛。


由於佢個八字,唔成格局,所以佢打得好的嗰幾年,都係靠一啲火旺既流年令佢打返出啲成績,其餘時間,縱使世界排名好似唔錯,但奪冠次數也未如理想。


感情也一樣,就算你桃花星出現,也未必等如你得到所謂的正緣。咁彭帥會唔會爆咗國家機密要坐監呢?咁真係要睇下12月或1月,庚辛金出干時,食傷被制,今年的桃花變成桃花劫了。


Comments

No comments found for this post.