星期六命案[2] (Patreon)
Content
子玲和阿輝,是我朋友A介紹的,想看風水,又沒有相熟的師傅,又知A找開我,所以求介紹。
第一次見面,是在他們的家中。
阿輝:師傅,你好。
子玲點點頭:師傅你好。
兩位都是香港高尚學府畢業,表面上很有禮貎,兩個都在外資大機構工作。
他們想催旺事業運,我就告訴他們,傢私要轉一轉位,然後要佈置些什麼啦。
子玲襯阿輝上了廁房,跟我說:師傅,有沒辦法令他和我結婚?他說要事業有成才娶我。
我回答:那就按他意思吧?你們都溝通好的嘛。
子玲:求求你,師傅。
畢竟師傅都是心軟之人,而且付費的又是子玲,只好再後加一些東西給他。
我:加多這東西再床頭,和這東西在門後吧。試試看,我也不敢保證呢。但你們的命盤有這些問題。。。
師傅其實很喜歡戴返個頭盔,但呢間屋咁啱好有條件催旺,都幾有信心。
子玲:沒其他問題了,謝謝師傅幫忙。
不過我心中盤算著一些東西,因為兩個人的八字,令我心中有些不安樂。
阿輝的命盤,是長期會被太太給壓力,是家中的弱者,但有偷食的現像。
子玲的命盤,聰明伶俐但有點尅夫,但會紅杏出牆。
幫又死唔幫又死。
我如實告訴她,命盤中帶這些問題,不後悔才好呀。但她示意既決定了,不用作別的考慮。
不過,或許一切也是命中注定吧。
大概五個月後,A打來,說:師傅,你好嘢喎。咁你都得?
我:乜料?
A:阿輝和子玲結婚呀。
我:哇塞,真架?
A:係呀,佢會搵你架喇。
我:啊,好的。
我喺度諗,搞掂咗,搵我做乜?又未夠一年睇流年風水,搵我食飯呀唔通?
未幾,子玲打來:師傅,麻煩你,想找你擇日子,結婚。
我:呀,好的,恭喜你呀!
子玲:仲有,擇日開刀生仔呀,同埋改名。
我:哇,原來好事成雙,再恭喜你。
唔知係我好彩,定佢好彩,咁都好,係喜事嚟架嘛。
如是者,阿輝同子玲,結咗婚,生咗仔,咁又三年了。
平安風水每年也睇,加上阿輝和子玲的行運不錯,事業步步高陞。
直到一日,子玲send message給我。
她懷疑,阿輝出面有女人。
oh gosh...
我又要做調查員了。
其實調咩查員丫,我一早都講過架啦,只係(當時)愛情是盲目的。
我問佢咩事,佢話佢老公呢排好多奇怪message,遮遮掩掩,又改密碼。
啊,未必呢。
子玲:我記得你講過佢會偷食的呀。
我記得她有點尅夫的特質,也記得阿輝會經常給女人迫到壓力好大。
我問佢,你係咪喺屋企成日鬧你老公呀?
子玲:係有時語氣重咗啲,唔係鬧架。
我:相嗌唔好口呀,男人有時都想人關懷下既。
(我心中在想:男人冇個好人,又帶麻煩俾我!)
佢呢啲都係八字所衍生出嚟的特質,尅夫,也會有罵夫的特質,自己都控制不了。
調返轉頭睇,阿輝會偷食,也是一種潛在特質。
子玲:好啦,我會注意返,但如果俾我知道佢出面有女人,佢死梗!
殺氣非常之重呀。
如是者,又過了三個月。
子玲又傳訊息過來。
她說:今次捉到正,我一定要同佢離婚!
我:(咩料呀?!)吓,咩事呀?
子玲:昨日佢出差回來,我諗住俾個驚喜佢,喺機場接佢機,點知俾我撞破!
(電視劇情嚟喎)
我:吓,你見到啲乜先?
子玲:我見到佢拖住第二個,仲呃我話出差,原來同第二個一齊去鬼混!
我:...(其實一早同你講咗架喎)
子玲:仲要係男人嚟!
-___-
之後當然係離婚收場啦。
其實,子玲同我講嗰啲,只係故事的一部份。
因為A之後跟我聯絡,同我講,其實佢哋結婚生咗仔後,阿輝工作發展不錯,不過唔知做乜,同佢上司搭上,中途轉機。而子玲,可能因為成日要湊仔湊到悶,同細佢幾年的下屬搞埋一堆。
女命的八字之中,尅夫之說,除了是尅死丈夫之外,還有就是掌控對方,即是容許自己出軌,對方出軌則不能。
*按:星期六命案,是指師傅會在某一些星期六,會分享一些命例個案的故事給大家,並不是一件星期六會發生的命案。記著,只是故事,請勿對號入座。