1月風水小貼士 - 流月催偏財運方法 (Patreon)

話咁快又到新一年了，希望大家財運仍然亨通！所以新一年第一個月，就有一個催偏財的日子了！

首先，喺間屋既中心點，用羅庚或指南針，找出自己間屋的南面先。

係呀，又係南面呀，冧庄！

今次又用返，流水擺設了！

如果冇流水擺設，咁可以用放濕機或者香薰機代替呀。

如果再冇，咁就用一杯水嚟代替啦。

咁再老土啲都要講多次，流水擺設力量最大，然後係放濕機，力量最弱係一杯水。

有方位，有物品，日期同時間如下：

日期：２０２２年１月７日

時間：３：３０ＰＭ［當地時間］

自己計住，一個月後撤陣，拎走晒啲嘢，等下個月的新佈局。

免責聲明：戴返個頭盔先，呢個陣主要係增強個人偏財運，而且有冇效唔係必然，要視乎你佈局的單位風水本來好壞，或者你閣下本身個運程係咪已經黑過墨汁，而且更加不是鼓吹你去賭錢，亂咁投資炒股，又或者去一注獨贏全副身家盡買。記住，並唔係咁架。閣下記住，佈完局後，你工作上會較為順利，搵錢也得心應手，並不是叫你去賭身家呢。記住，後果自負呀！

謝謝支持。