好人壞人有樣睇？定係有八字睇？(四) (Patreon)

因為年尾工作量繁重，所以好多專題都脫稿。

今次要寫的，係本週焦點人物，周焯華，洗米華。

佢今次可能真係要洗米喇。

先唔講佢會有乜下場先，因為俾偉大祖國通輯，似乎都係不妙架喇。

時日月年 運 

吉辛己甲 壬 

時未巳寅 申 

呢個八字辛金日元，生於孟夏巳月，原局完全冇水，本以財來破印為用，但原局火炎土燥，無水調候，只是一個十分普通既格局。

學過八字的人，都會知道，財破印格，其實係會識得將一啲東西，經重新包裝後，以高價發售，可以話係一門生意，也可以話做銷售一流，也可以是撈偏。

咁佢真正行好運係１９９６年壬申大運，辛金配上壬水，必定在此運成名。

傷官生財，財有源頭，下屬得力，做生意很有方法，很有心得，轉數很快，有胆色。

金水大運，壬申癸酉，共廿年，咁佢呢廿年，咁啱喺澳門呢一片土地上，食正當時即將賭業開放的澳門，所以發過豬頭。

癸酉運，行食神生財，食神為文星，將賭業，變成上市公司，撈偏變撈正，洗白成好似正當商人一樣。

不過唔知係運行完，始終都係要行返老本行。

２０１６年行甲戌大運，又變返財破印運，咁咪做返賭囉。

時日月年 運 年 月

吉辛己甲 甲 辛 己

時未巳寅 戌 丑 亥

今年辛丑流年，丑未戌三刑，秋天行完金的流月，金尅木，然後戌月再三刑，己亥月開始，走印尅食流月。

天干己卩尅亥水食傷，地支丑未戌三到，土動尅水，今個月，俾人捉鬼咗。卩奪食，乃是失去自由之象。

咁都唔係所有財破印都係壞人嚟，只係咁啱佢走上撈偏之路，俾人感覺佢好似一代梟雄，又正印又小三，亂搞男女關係，所以俾到一啲唔好的形象大家。當年佢係支持反送中的一員，唔知今時今日，佢又駛唔駛被送中呢？

走先喇係咁喇，下次再玩啦。