好人壞人有樣睇？定係有八字睇？(五) (Patreon)

今次想寫佢，因為有啲特別。佢喺我既印象中，係一個好專業既好人嚟，但最近呢一兩年，唔知因為咩事，佢好似成個人唔同晒，佢的言行，俾人鏟到佢上天花版。究竟係佢本人的真性情，定還是係人總是會變，又抑或，係有外在因素令到佢個人變咗呢？

今日主角，袁大帥，袁國勇。

命盤如下：

時日月年  運  年

吉辛庚丙  丁  辛

時未子申  未  丑

＜——————３

戊丁丙乙甲癸壬辛

申未午巳辰卯寅丑

辛金生於子月，食神格，食神係父母賜予俾佢既特質，食神係一種專業，又係一種服務人群既精神。咁都好合適丫，成為一位醫生，必定係一個專業人士，再有服務人群既精神。

原局用丙火都好明顯，因為辛金生喺冬天，必定以火為調候，辛金有根而透劫財，金氣旺，已可直接用丙火了。

呢個八字，原局除咗劫財透干，係性格上的缺失外，並唔見得佢真係一 個壞人。

丙火透出尅制劫財，但丙火又去合日主辛金喎。

即係佢好喜歡挑人機，要戰勝對方，將別人［外人］的說法幹掉，打倒。但係因為丙火係合日主，正官合日主，正官係循規蹈矩導矩，按本子辦事的一種心性，即係雖然佢以打敗對手為樂，但也會以合乎法規的方法去戰勝對手。

呢個八字由細個讀書時間，開始行喜用神木火大運，咁即係一直行好運啦。

不過，去到２０１８年，情況或許有變。

丁未大運，七殺透干。呢一個大運，出現了官殺混雜既情況。

喺呢個大運裡面，佢唔只要服侍一個老細，佢仲要應付另一個老細，而呢個老細，亦都好難應付，因為壓落嚟俾好大壓力佢，而且有一種霸氣，令你無法不去改變自己而迎合佢。

一個人，得官殺混雜，本來正氣，但你又會見到佢既另一面［好似全民造星啲對白］，即係本來正氣，但而家加咗另一面，即係又有正，又有邪，亦正亦邪。

我相信呢一兩年，佢講好多嘢都係九唔搭八，令到大家對個疫情睇法都有所改觀。

今年２０２１年走了四份三了，辛丑流年入局，同大運丁未，成了天尅地沖之象。流年辛，即係日主辛的自己，丁火七殺尅辛金日主，即係今年有人俾好大壓力佢呀！地支丑未相沖，土動尅水，子水食神受尅，食神為自己的表達，自己所說的說話。咁偏印呢？印星係由官殺所出的，即係咩呀？上級［或另一個上級］有命令，而令到袁大帥，不能亂講嘢，不能將自己想講的說話表達出來。

所以大家呢期一見佢講嘢，覺得佢好似變咗另一個人咁，對住電視機不斷痛罵佢。

呢個未必係佢本質嚟，只係大運嚟對佢做人做事上的改變，加上人在江湖，身不由己，就俾大家睇到佢既另一面了。