２０２２年立春日之迷思 (Patreon)

好多玄學家都會以香港立春之八字，用來做該年香港運勢的預測的。

咁其實，係咪真係有呢件事架呢？

立春，係咪真係可以用嚟計算香港的該年的運勢呢？

師傅冇一個好肯定的答案，因為咁多老前輩一路以嚟用立春寫香港的命運，難道會有錯嗎？

不如咁講，立春係咪剩係香港的立春？

立春係香港的立春？定係地球的立春？個立春淨係香港你架咩？

咁台灣又可唔可以用立春嚟預測台灣地運呢？

越南呢？韓國呢？強國呢？

咁如果立春係共用的話，咁就唔應該只係用嚟預測香港的運勢吧？

不過，師傅仲未有資格上電視做節目，如果有呢啲機會，咁咪用呢啲講兩句囉，唔係上鏡有咩講先？唔通講風水理論叫人起盤咩？梗係講啲容易令人明白架啦。

今年立春的八字

甲戊壬壬

寅子寅寅

戊土生於寅月，戊土在極虛之地。原局一片財殺，係咪從殺呢？就咁睇原局，都應該係啦？

但戊土在寅月，戊土可以用寅中之丙火，變成殺印相生。

不過壬水壓住寅中丙火，即係用神不能彰顯佢既用處。

立春八字，咪即係破格？

唔想破格，咁咪從煞囉。從煞，即係失去自己戊土的本質，放棄自己性命，順從權威，順從老闆，老闆話乜就乜。

你唔好以為從格就唔會轉喎，當呢個八字去到夏天，佢就即刻唔從，到時就變咗殺印相生，但原局財旺，又會被財破印了。

即係乜？來年，地球村的人類，要乖乖地聽從權力的吩咐，佢叫你做乜就做乜，咁就可以順風順水喇。

但係，一到夏天，就大鑊了，因為戊土在夏天，想變回自己的真身。所以想以火化煞，煞印相生。可惜天干壬水出干，如見火即破之。即係咩呀？到明年夏天，地球村的朋友們，大部份都會有健康的問題。［因為唔係香港的立春，而係世界的立春呀］。

小市民呢，順從老闆，就係皇道，老闆，或上級，或權力機關，叫你做乜，你就要做乜，咁樣就最理想了。如你一反抗，七殺即係尅日主，即係權力機關以最大力量嚟隊瓜你。