鐘之風水 (Patreon)

時鐘原來在風水上，也有點學問。

坊間好多人會話，鐘可以擋煞，或鬥煞，一時又或化病。其實喺我角度，一個鐘，係用嚟睇時間架啫。咁當然，如果你喺相對應的宮位，放啱一個形狀和物料都配合到的時鐘，咁風水上，又會有佢既好處的。

先不講其他術數，利用時鐘在風水上催旺之應用。

我哋集中講五行氣的風水。

圓形的鐘，形狀屬金；

方形的鐘，形狀屬土；

三角形的鐘，形狀屬火；

如果個鐘可以做到成棵樹咁，形狀屬木；

如果個鐘可以做到波浪形，咁形狀屬水。

如果係金屬物料造的鐘，屬金；

如果係木造的鐘，屬木；

唔知有冇陶瓷造的鐘呢？當佢有，屬性為土；

唔會有火或水造的鐘吧。

顏色都係，金屬色白色屬金，黑色藍色屬水，綠色屬木，紅色屬火，黃色屬土。

即係話，如果一個鐘，係金色金屬造而又圓形的，即係一個純金屬性的鐘，鐘因為有移動的時分秒針，所以必然會有動像，如放在陽宅原局的乾方，或一白六白八白位置，能有催財或催工作之用。

如果夾雜了其他屬性，例如圓形又木造，又會動像，就會加重了金木交戰的問題，例如嗌交問題，健康問題等。所以最好唔好買呢類型鐘，如好喜歡，咁一係放在家中的坎宮，一係放在原局一白的位置。

方形的鐘，如果是金屬的，一樣可放在六白或八白方；如果是木造的，可以放在離宮，或九紫方。

至於將一個有時分秒針在轉動的鐘，或一個有雀仔跳出嚟報時嗰啲鐘，又或者坐地小型大笨鐘，除了有轉動的針，還有好多東西在動的鐘，假設你將呢一類型的鐘，放在二黑五黃之病方，便會催旺病位，宅中人會常常生病。

跳字鐘因為冇一個真正物理上的動像，所以不在此限，按返住形狀和物料便可。

至於八卦形鐘係咪用嚟擋煞，就應該冇乜關係。

鬥煞，應該都冇了。

因為八卦或凸鏡才會有鬥煞之用途，不過師傅不鼓勵鬥煞，所以不在這裡再詳細說明。