全新人氣組合COLLAR, 又關命理事? (Patreon)

CALL CALL COLLAR.....

呢排一上Youtube, 就會見到呢首歌喺第一頁, 唔係MV就係寶X力, 呢隊組合, 一出道, 就紅成咁, 全民造星魔力真係好犀利.

咁COLLAR, 又關風水命理咩事? 莫非師傅想借啲意講下睇下啲女仔?
冇乜所謂啦, 前夫前妻都一齊支持COLLAR咯, 咁咪一齊支持囉.

言歸正傳, 今日係想分享一下, 以命理學上, 分析一下呢隊組合的前景.

我哋以佢既成立日期同時期, 起咗個八字出嚟:-

     日

乙乙辛辛 

酉丑丑丑 

因為呢個八字未上運, 所以仍然行緊童限.

咁一睇就知, 乙木丑月, 要用火, 但又冇火, 滿盤土金, 呢個八字, 必定係從殺格吧.

時柱有個比肩乙木, 咁即係話, 市場傳出, 重有另一個姐妹團會出現, 或許係真的, 係咪叫DOLLAR? 唔知.

因為未必大運, 要去到8歲先入第一個大運, 即係未來8年都係睇流年為主.

從殺格, 呢一日, VIUTV係咪搵個師傅嚟擇日架? 真係奇怪, 擇到咁靚.

不過2022年行壬寅流年, 乙木補回強根, 格局變成殺印相生, 咁順局意向不變, 還算順利.

反而我想講, 2022壬寅, 2023癸卯, 2024甲辰, 2025乙巳, 未來呢四年, 我對佢哋前景仍充滿信心. 不過去到2026及27年, 一走火旺之流年, 就十分麻煩, 七殺遭回尅, 逆了從殺之意, 當中或許有成員因某種原因, 產生退團之意, 情況要到了2028年後, 才有改善.

咁究竟, COLLAR會否在2026年會有解散的危機呢? 唔知, 不過嗰兩年, 佢哋必定會有很多麻煩的消息傳出.