烏俄大戰 ：澤倫斯基之命盤 (Patreon)

烏俄大戰，俄羅斯侵略烏克蘭，不過有某啲國家話呢個唔係侵略，師傅真係睇到頭都暈。

講返烏克蘭，佢現任總統，今次發揮到一個出色領袖應有的精神，佢選擇唔離開領土，而親身去對抗入侵者，呢總精神，實在可敬。

咁今次佢又能否逃過一劫呢？

丁火生於季冬，冬天既丁火，必然要見木，但原局不見木，雖然唔知時柱有冇，咁照呢三柱咁排列，即係殺旺，用劫。呢個八字，冇乜格局可言咋噃。

之前佢一直都係喜劇演員。

入咗己酉運，佢都係喺電視台做，不過佢喺節目中，竟然已經係飾演烏克蘭的總理，唔知係咁啱得咁橋。喺２０１８年，就真係搞咗個政黨出嚟。

２０１８年，己酉運，戊戌年，食傷制殺，必然會得到地位。

２０１９年，己酉運，己亥年，食神制殺，佢真係選到總統。

今年打仗了，２０２２年，壬寅年，因流年有木來，殺印相生，因會有貴人之扶持，得以鞏固自己的地位。

莫非佢今年大難不死，而且有歐美一眾國家元首支持，可以令烏克蘭保得住領土？

其實師傅好反對打仗，有咁多嘢做，做好自己先好過啦，走去侵略人哋領土，我對呢種行為好反感，但世界就係咁，總係有啲狂人，好喜歡挑起紛爭，唔知呢一種主義，幾時先會喺呢個世界上唔存在呢？

講返澤連斯基，今年整體應可力保不失，唯一在新曆八月時要小心，因為呢個月最大機會有血光之災，如果場仗還未打完的話。

整體嚟講，佢到２０２３，先至會有一大劫，因為三合金局去沖一個卯木，三月同九月，非常凶險。