大S、汪小菲與具俊曄 (上) (Patreon)

本來就很想寫大S, 不過又怕俾人話馬後炮, 咁就唔好理佢啦, 馬後炮一下啦.

學習八字, 甚至係命理, 喺一些名人的命盤, 對照返佢發生過什麼事, 係學習既一種方法.

你會話, 師傅唔一早講, 你應該喺佢結婚時就話唔睇好佢既婚姻嘛.

不過, 我又點會咁得閒, 每個人都入去睇佢哋八字, 再講下佢哋所有事發展進程先得架, 咁我咪好唔得閒?

看一個女人的感情事, 其實從佢哋個命盤, 可以大概分析到.

大S的八字命盤, 只睇三柱, 以可以有一些結論.

先看一下她的原局:

時日殺官 

吉辛丁丙 

時卯酉辰 

時才比印

辛金生於酉月, 為建祿格, 本身已有屬身強, 要知道, 陰日主, 及女命, 身不宜太強, 但呢個八字話你知, 佢就係強.

過強的命格, 就係份人性格好堅強. 咁現代社會, 男女平等, 冇所謂啦.

天干官殺混雜, 女命其實好驟忌.

一見此現象, 已可斷此命姻緣麻麻地.

你可以話桃花旺, 但也可以話, 命中他的選擇太多, 太多人出現, 招嫁不定.

夫妻宮又沖, 即感情容易不穩.

而且, 女命命帶七殺, 主要為想掌權的象徵.

她外表其實廷溫柔的, 不過如果在一個家庭之中, 她便要掌權.

一時合理, 一時不合理的個性, 對另一半來說, 也是難頂.

他前夫汪小非, 也算是有頭有面之人, 要主動替妻剝蝦殼, 咁當然, 這是一個好丈夫應該要做的事, 不過, 係咪發生咗啲咩事, 要咁樣去tum自己太太, 仲要家事嚟傳到係人都知, 即有心人都想俾人知道, 汪小菲被治得很貼服.

咁係咪命中注定, 一定要離婚呢? 唔係, 離婚只係一種個人選擇嚟.

睇返佢當年結婚的年份:

時日殺官 運  年

吉辛丁丙 甲  庚

時卯酉辰 午  寅

時才比印

2010年結婚, 庚寅年, 寅卯辰三合木局引動夫宮, 此年他倆結婚.

火越燒越旺, 她雖然要掌權, 但也為夫著想, 幫夫運, 亦也旺夫, 命格食得起個官殺.

睇返上年:

時日殺官 運  年

吉辛丁丙 癸  辛

時卯酉辰 巳  丑

2021年, 辛丑年, 地支巳酉丑三合金局, 去沖尅夫宮才星.

引動夫宮之物, 乃辛也, 辛為自己, 也可以為同類, 即因為有別人介入, 所以動起了夫宮, 使感情產生變化.

咁唔係人人夫妻宮動, 都會離婚, 有啲人揀忍, 有啲人揀離婚, 咁係自己個人選擇嚟.

總之係因為某人之介入, 影响了婚姻.

佢哋就選擇咗離婚, 當然事後而家死都唔認啦, 不過去年的確有新聞, 係可以搵得返的.

又睇下今年喇喎:

時日殺官 運  年

吉辛丁丙 癸  壬

時卯酉辰 巳  寅

今年2022年, 單身的大S, 竟然和具俊曄閃婚.  壬寅年, 寅卯辰又三合一個木局, 又動起咗夫宮. 

壬水傷官, 為自己的情感流露, 合入丁火七殺. 七殺在原局已有, 即係熟人, 識得既人, 原來具先生係大S之前有過一段霧水, 現在竟然舊情復熾.

係咪好橋? 又係同一個組合, 引動到夫妻宮, 今年再婚.

所以馬後炮係好事嚟, 你可以從名人命例, 學習及確認到一些命理上的知識.

下集講佢前夫, 及未婚夫的命盤.