命理隨筆 - 下任政務司司長人選誰屬 (Patreon)

其實呢個問題，已經冇人有興趣知咁滯，不過，我哋都叫做，試下做個預測啦，雖然係人都知個答案咁滯。

今日想寫一下，鄧炳強有冇機會更上一層樓，三個司長級，財政司佢就做唔到，律政司佢都冇資格做，如果做到的話，香港人就慘了，即係話，好似李家超咁，會由警員做到去政務司司長，即係佢有可能成為下任政務司司長的人選？

時日年用  運  年

吉己壬乙  丁  壬

時未午已  丑  寅

鄧炳強ＰＫ ＴＡＮＧ八字，己土生於午月，地支三合火局，火土同旺，而天干壬水乙木無根，理應順其氣勢，走回火土之運為吉。

大運丁丑，為火土之大運，即佢由２０１５年入丁丑運後，仕途順利，一路直升到現在保安局局長。其實順其氣勢，即係自己只要順從老闆，唔駛自己有乜嘢思考，佢個老細自然會重重有賞，佢自己就順順利利加官進爵。所以你見佢同啲明星飯局嗰條片，啲說話語氣同一個刷鞋仔冇乜分別。

係咪好唔開心呢。我都一樣。

今年壬寅流年，丁壬合木，木再生火，木為己土日元的官殺，即是地位名聲，即今年有得到地位升職之意。

就算唔升職，其實佢坐呢個保安局局長，以佢個人質素，比起佢而家的成就，其實佢獲得的東西遠超佢應得的東西。未來數年，都是走火木之流年，佢的仕途十分平坦，理應十分順利。

２０２５年開始走丙子大運，丙運還是可以維持的，即係佢起碼會行運行到２０２７年，因為２０２７年仍是火土之流年。不過去到２０２８年成申年，走金水流年，地支子水之氣開始入氣，或許會開始產生變化。

呢個八字，其實大大話話，都行咗成二三十年的好運，幾時真係會好似佢個名咁ＰＫ呢？

剛才講過，２０２８年戊申年水入氣，開始出現變化。２０３０年開始進入子運，已經不妙。最凶之流年為２０３１及３２年，辛亥及壬子，呢兩個流年，主要是健康，金錢，妻子，家庭都會起了不良影响，會否有一大劫令其告別陽間？到時大家拭目以待。

至於另一男子游乃強，因為師傅冇其八字，所以冇得預測，佢會唔會更上一層樓，不過希望唔好啦。