命理隨筆 - 如果李家超參選特首的話。。。 (Patreon)

香港特首選戰，其實諗深一層，選邊個都係一樣，屎味的雪糕，還是雪糕味的屎。

自從牆國維尼上台之後，香港的特首，一蟹不如一蟹，先有廢老梁英，１４年射催淚彈，再有林奠一手一腳包辧催毁香港的加速師，之後那些，必定更加不堪。

又講返主題，而家唔想叫佢做比卡超，因為我個仔而家開始睇寵物小精靈，比卡超咁可愛，實在唔應該用喺呢個人身上。

李家超如個參選的話，係咪贏梗呢？

前文提要，佢仲有十年運走。

前文可參閱：https://www.patreon.com/posts/52908601

今年佢流年係點呢？

時日月年  運  年  月

吉癸辛丁  乙  壬  乙

時丑亥酉  已  寅  巳

參選月份為乙巳月，現正走壬寅流年。壬寅年，的確係要進行一些競爭，但和他競爭的人，似乎力弱。李自己癸丑，癸水自坐七殺，野心勃勃，而丑中有金水之助，即是佢係一直有貴人之助的；而對手，壬水自坐寅木食神，水泄於木，沒有力量，所以他的對手，在今年難以和他競爭。除非有一個又係走十分好的大運流年的人，無端加入，否則暫時來說，他應是大熱。

壬寅流年，寅木生巳火，寅亥合木，木火俱旺，壬水入局，合丁而化木，木再生火，用神仍然有力。選戰如如期在５月舉行，乙巳流月，在夏天木火旺的流月，他更加有利。

他的主要對手，有加速師７７７林奠但未表露去向，還有狼子野心廢老梁英但已被傳會成為什麼召集人，不知要召集些什麼，可能是whatsapp group的admin吧。

另外，也有傳波叔，葉劉等曾有意參選，還有陳智思，和三個不知名的參選人，要等代其他參選人表態，再作預測。