命理隨筆 — 一個娶富家女的男藝人 (Patreon)

近期有一則娛樂新聞喺我面書度睇到，就係有個幾靚仔但冇乜人識的男藝人，叫做伍富橋，佢識咗個富家女，跟住就閃婚了。伍富橋呢個名我係有啲印象的，好似四五年前睇過CＣＴＶＢ三日兩夜，佢係其中一個主持，對佢仲有小許印象。

https://www.hk01.com/%E5%8D%B3%E6%99%82%E5%A8%9B%E6%A8%82/760456/%E4%BC%8D%E5%AF%8C%E6%A9%8B%E9%81%8E%E5%A4%A7%E7%A6%AE%E6%9B%9D%E5%85%89%E5%AF%8C%E8%B2%B4%E5%A5%B3%E5%8F%8B%E8%B1%AA%E8%8F%AF%E5%B1%8B%E4%BC%81-%E9%87%91%E5%99%A8%E5%A4%9A%E5%88%B0%E5%9A%87%E8%A6%AA%E4%BA%BA?utm_medium=Social&utm_source=fbpost&utm_campaign=entertainment

咁究竟，娶到富家女，係咪會喺八字度睇到既呢？

其實係咪富家，真係一個比較嚟，點先為知富家女？

師傅喺十年八年前認識咗一個客人，佢當時的女朋友，就係上市公司主席個女兒，佢曾經俾佢個富有女朋友的八字我睇，我問佢，呢個八字，脾氣都幾勁架喎，你真係架御到嗎？

佢話暫時可以，但只是對方母親棒打鴛鴦。

咁最後佢哋感情無疾而終啦。

講返伍富橋，佢個命盤如下：

時日月年  運  

吉庚庚甲  癸

時辰午戌  酉

呢個八字，原局就真係麻麻地，庚金於午月，最好見水，唔排除佢時柱見水，不過佢都做咗八年藝人，仲未有人認識佢，似乎本來格局普通。

喺唔知佢個時辰的情況下，冇水，咁就要以日主庚金自坐的辰土泄火生金為重點了，亦即係夫妻宮是用神。

頭先先講到，未必能夠知道，另一半是否富有，但呢個情況，即係另一半有助力了。

原局無根，得印星生佢。由２００９年開始行壬申運，補回強根，食神生財，家境應該嗰陣時有進。

２０１９年，走癸酉大運，亦即係而家行緊呢個運，酉辰相合，即係夫妻宮動起了，天干傷官生財，人生起了變化，突然間好想怕拖，係咁搵對象。

而佢食傷生財，亦都係對佢另一半有助力的，佢在結婚前，記錄顯示，都同過另一同台女藝人拍拖，而她亦喺呢幾年有提升知名度的。

夫妻宮在大運己動起，今年壬寅年，寅午戌三合火局，動起了家庭的宮位，而火為日主的官殺，所以今年也很有機會結婚兼有埋小朋友，實行嚟個雙起臨門。

人生最美之運，莫過於呢幾年。

之後呢？

我哋以命論命，客觀分析，並不是想別人不好的。

２０２９年，甲戌大運，到時他三十六歲，假設他時柱沒有水，甲戌入局，沖其妻宮，即代表感情婚姻出現變化了。辰中是局中唯一水氣，被兩戌相沖，失去水氣，火炎土燥下沒有調候，敗局已呈。

天干沒有了壬癸水，比劫尅財，即有和太太有相佐之意，重則有離婚之象。而該大運有一個流年為２０３０庚戌，此年最為凶狠。會應之事為輕則妻病，夫打妻，離婚，或生離死別，總之唔係好嘢嚟。