擺風水的謬誤(一) (Patreon)

冇幾耐之前, 應該係幾年前, 有公仔箱很出名的風水大師, 出過一本書叫類似風水謬誤及基本智識, 師傅冇睇過, 所以俾唔到咩意見, 不過我郤從其舊作中, 找到了一些有趣的題材, 現在分享一些所謂謬誤給大家, 但不要誤會, 這個不是抄考別人的書本, 只是看到後, 有感而發, 想說出我自己的一些看法, 分享給大家而已.

常常說, 風水是玩陰陽及五行氣的東西, 不涉及鬼神, 來來去去, 都係陰陽, 同埋五行, 當然也有包括一些相關的基本智識, 好像卦象之類. 看到大師的其中一篇文章, 他介紹了一個旺身體的風水方法, 就是幫助一些暫時生不到小孩, 或者成日病的人, 可以在屋中擺的一些風水佈局.

他所指的方法, 是將一夥大圓的石頭(石春?), 放在屋的底部. 他所指的底部, 應該是指"坐"的位置, 即係坐向嗰個坐呀, 以他的做法, 坐即是門相對的位置, 即無論什麼屋型, 總之用平面圖來看, 門的對角最盡之處, 就是他所位屋之底部, 亦即是"坐"的位置.

呢個係一個好好的課題嚟, 一理通, 百理明, 只要明白放風水在做什麼, 咁放啲乜嘢喺屋中, 就會有乜嘢用處, 同埋原理係點. 呢個係堅料嚟, 唔係好多人會知道. 而大家只會睇流月催旺陣, 而漏咗睇呢篇, 就真係走寶. 

擺放石春喺坐山, 佢既用意係, 因為山管人丁, 水管財, 放一個大石喺坐山, 咁補返個坐的位, 咁加強山的力量, 咁人丁就會被催旺, 亦即係催旺人丁催生仔, 又或者使人健康的佈局.

事實係點呢? 拿呢個係我個人睇法咋, 大家自己睇完可以消化下. 真正的風水, 分開陰同陽, 陰即虛而陽即實, 陰是靜而陽是動, 之餘此類. 咁你間屋喺真實上嗰個位置, 係冇一個山架嘛, 本來沒有靜的作用, 即是陰嗰方面就已經沒有了, 你加個山的擺設喺度, 難道又可以補回嗎? 當然不能了.

如果你嗰個位置外, 本來已有個山, 咁就係有呢種力量了. 如果你放埋個山的擺設喺屋內, 咁有可能將呢個山的力量, 加強版本的收入屋內用.

咁收咗入屋內, 唔通又會好有著數? 人丁大旺? 咁又未必喎, 因為一毎山的擺設, 係屬土的, 即係八白艮土嗰個土呀, 二黑五黃都唔係山嚟, 但八白就係土. 八白係真係指少男, 但單一個山, 即只係就咁放一個山, 冇乜力量可言. 

呢個所謂力量, 可以做乜呢? 我仲記得, 我十幾廿年前, 跟我第一個老師學習風水時, 最興奮就係學雙星會合後, 有乜嘢像意會發生, 例如什麼叫做鬥牛煞, 又或者什麼叫做交劍煞之類, 咁就咁放坐山喺度, 就可以催人丁嗎? 梗係..... 咩啦.....  

放風水, 其實係將本來屋外冇的巒頭, 因應理氣, 我放喺度, 變成有其力量, 如果街外都有, 放咗會將件嘢帶入嚟, 即係話如果你街外有個煞, 你又唔知點解放咗一件同一個像意的東西入嚟, 佢就會應煞, 即係你即時會PK.

講返主題, 雙星斷事, 如果你放咗一個山入嚟某一個宮位, 如果嗰個宮位啱的, 你就有效, 唔啱放的, 你就會有反效果. 例如, 如果你放咗喺一白到的位置, 其實八運盤好多都係咁, 咁嗰年你就土尅水, 因八白土尅一白水, 水受傷後, 就會有相應的應事出現, 水為財, 財運出事, 又或者身體上關於腎的問題會出現, 又或者卦象中所指的中年男人, 會受到尅應. 本來想催旺人丁, 點知變咗腎水受傷, 真係唔方唔催丁.

同樣地, 呢位大師, 當然也會叫人將個魚缸, 放喺大門側, 因為大門為向, 向應該要見水, 因為山管人丁水管財的道理. 魚缸, 唔可以亂放, 門口也不定叫向, 也不一定有啱放魚缸的理氣, 所以要找個合資格的師傅去處理, 唔好淨係睇本書就跟住佢亂咁放呀, 出書用的, 同度身訂造幫個客擺放的, 是完完全全的兩回事.