新州州長來年在州大選中，會否順利連任呢？ (Patreon)

澳洲大選曲終人散，Scomo不能連任，也是預期之內，因為師傅三年前佢當選後就已經預測佢冇運行，不過算啦，希望澳洲喺工黨既領導底下，唔好賣晒啲家當俾某啲蟈家啦。

今日要預測另一位人兄的仕途，呢個就係澳洲新南威爾士州，現任州長，Dominic Perrottet了。澳洲的大選，除咗有剛剛完結的聯邦政府選舉外，其實仲有州的大選，因澳洲實行聯邦制，即每個州的選民（即係公民，因為澳洲一成為咗公民係一定要投票，唔投就會受到懲罰）都會選出自己的州政府，咁呢位人兄，就係現今新州的州長了。

呢位Dom哥，都好年青下，今年九月先到四十，其實佢本來只係新州的財相，係因為本身新州的州長因醜聞下台，就由佢頂上。

而呢位現任州長，觀乎佢的受歡迎情度，可以話係低嚟形容。喺澳洲唔係太多人喜歡佢，因為佢曾經去咗美國跟當時的美國總統特朗普學嘢，而澳洲很多人也非常唔鍾意特朗普，係囉點解呢？所以澳洲新州人都不太喜歡他做州長，喜歡他的可能只佔少數。

講完一大輪，咁佢會唔會喺不受歡迎底下，靠運仔可以成為下任州長呢？因為下年就係州大選了。

時日月年 運 年

吉丁己壬 癸 辛

時未酉戌 丑 丑

睇返去年，呢個八字，丁火酉月，原局病處為土太旺，令壬水官星受制，傷官見官。不過當佢初運走金水之地，官殺同旺時，就變為食傷制殺，由其是在２０１３年開始，所以佢喺最近呢十年，仕途扶搖直上，得到名聲及地位。

而去年，已走癸丑大運，土旺本尅水，但又有辛金財來生殺，即名聲地位更進一步，得到州長一職。

咁下年州選舉，又會點呢？

時日月年 運 年

吉丁己壬 癸 癸

時未酉戌 丑 卯

丁火在流年見卯木，用神即為印星。不過流年入局，郤遭原局月柱天尅地沖，將其印星去掉。即係下年佢冇運行呀，冇運行又點連任呢？唔通連新州都會由藍轉紅？定係只係佢選唔到呢？下年選舉後自有分曉。

時日月年 運

吉丁己壬 甲

時未酉戌 寅

不過Dom其實未進入佢最好的大運，莫非佢下年敗選，只係一時的痛苦？到２０２８年佢會捲土重來？什至乎成為聯邦政府的總理？如撇除術數學理，佢想喺呢個澳洲"反侵"的氛圍下喺政途上更上一層樓，應該是比較困難。但２０２８年開始，甲寅乙卯呢二十年大運，係佢人生最好的大運嚟，或許不從政，可能會在其他舞台上扮演著一個重要角色也是很大可能的。