澳洲風水屋簡單推介25/5/2022 (Patreon)

Published:

2022-05-26 00:01:00

Imported:

2026-06

Content

只作學術分享或個人筆記，絕對不是經紀及涉及利益，或什麼時機去買入住屋樓房。於任何情況下，本人亦絕不會提供任何投資樓房建議。訂閱前請你清楚明白，付費是購買可觀看文章的權利，而不是任何的投資建議，你所購買的內容與投資建議並無任何關係。

————————————————————————————————————————
又繼續介紹Sydney風水樓盤：

不過今次，調返轉，介紹返一啲，風水極差的樓盤，等大家有個比較。

第一間：

呢一間嘢，住慣新落成大廈的香港人，一見外貎都應該接受唔到。不過其實澳洲舊樓質量比新樓好，而且呢類舊屋有兩層磚起的，冬天時隔外保暖。

但風水歸風水，呢間屋個地運未起的，有排等喇，暫時嚟講，損丁又傷財，不妙。

廚房在乾宮，犯了火燒天門，不利男主人，瓜得。

呢間屋仔，得兩間房，不過兩間房個坐向都錯到離晒譜，連啲門都開埋啲唔旺既門。

綜合嚟講，無一可取。

第二間：

第二間，外貎協會既你哋，一睇就會覺得正啊。

間屋靚唔靚，價錢，同佢既風水，冇必然既關係。

呢間屋，又係未起地運的，損丁傷財又來一間。

廚房喺乾宮與兌宮之間，唔係尅男主人就係小女兒，不利工作或偏財，大忌吧。

查實講到呢度，你都唔會睇得上眼啦，睇埋啲房會唔會有救？

三間房有兩間唔掂，窗同門開到錯晒位，得一間叫做可以用下。但全間屋缺點極多，一間房的好，救不了整間屋的差。

第三間：

呢間冇第一間咁舊，又冇第二間咁新，但都可以接受吧。

殊不知，又係未起地運，搞唔掂，今日損丁傷財三兄弟。

好在廚房冇事，否則衰多兩錢。

五間房，夠多喇啩，點都會有房係用得啩。係呀，啱呀，五份之一用得。

得一間叫人可以，其他就唔掂了，除非你一個人住，或兩公婆住，其他四間房唔知用嚟做乜好？全部做雜物房？

三間都揀唔落手，如一定要排一個次序，第三間比第二間好再比第一間好。

本集完。