風水燈光學 (Patreon)

喺風水學上，其實係冇乜嘢話燈光顏色的，有，都係現代人幻想出嚟的。

試諗下，家用燈光顏色，一係黃燈，一係白燈，我也見過有人屋企放了螢光燈，不過都係一啲裝飾性質，主燈仍然維持在黃色及白色燈度。

有一些明師（或名師)，佢哋帶出一種講法：

寒命人，因為需要熱力的調候，所以要用暖光，即係黃色燈光。

熱命人，因為需要令佢冇咁熱，所以要用冷光，即係白色燈光。

其實呢種講法，真係挑戰大家既智慧既。

無論係暖色系列的燈，即係坊間接近CWF的標準，睇起上嚟黃色的燈光；又或者係冷色系列的燈，即接近D50甚至D65，即係白色甚至白到有啲藍咁滯的燈光，佢哋著咗燈後，都係會有熱力產生，所以揀燈的顏色，同佢係寒命人或熱命人冇關係，係呢，咁平命人呢？話係百搭喎，用乜嘢顏色都得。

其實客人問師傅，用什麼燈光顏色好，我都係回答，柔和的顏色最好。師傅記得以前住公屋的日子，家家戶戶都差火多都是白燈，到日子好咗，搬離開了公屋後，屋企人都會選黃燈。

但如果一個燈罩裡面，可以放到兩三個燈泡以上的，可能會多一些用黃燈，再放一支白燈在裡面，再用燈罩蓋住，有專家教落，咁樣既組合，係比較柔和的，大家可以試一試吧。