養魚玄機 (Patreon)

呢一個主題，擺明係抄某位師傅書裡面的主題， 不過內容郤是原創的，絕無抄襲成份，寫呢篇文章主要係我對養魚在風水上的應用，或要注意事項， 有不同的意見而已。

首先，魚缸應該放什麼位置？

坊間很多書，或台灣很多電視節目，均教人在宅的正門位置旁，可以放一缸金魚。

呢個說法，應該是他們都當坐向的向，是宅的正門，咁將魚缸放喺向方，即有水在動方，有錢咁話，所以魚缸放喺進門後的大門旁側，一定冇死。

呢點我有意見，就係，首先，你又點知你間屋的向方，一定係喺大門旁呢？拿呢個係門派之間的爭拗，可以唔理佢住。你就咁放屬水的物件在門旁，你又點知佢冇相尅呢？難道就不用理會五行相生相尅之理？

陽宅空間內，一般係有不同宮位，而不同的宮位，其五行也有不同。

相唔相尅，真係睇運氣，因為喺九星之中，順生的金水木，係九星當中佔其五，包括一白，三碧，四綠，六白，七赤。而二黑，五黃，八白及九紫，均為相黑的星氣。即係話，你放個魚缸喺一個你未知五行的宮位，很大機會有相尅之問題產生。

淨係計你流年飛星，中招機會都接近一半，都仲未計你原局。

試過有一谷友，放了魚缸在某個宮位，當然他不知道那個宮位的五行特性，結果黑氣連連。

所以一係唔好養魚，養魚你就最好搵個師傅睇睇，但如果佢睇都未睇鐵口直答你放在門旁是財位，咁你就要再問下佢五行是否冇相尅的呢？

另一方面，魚的數目。

好多時，養魚都係為咗養缸風水魚來招財，咁養的數目及顏色，有冇邊個配搭最好呢？

有大師係教人用生成數來配搭的，即係一加六，即一條黑色加六條紅色金魚之類，又或者二加七，三加八，四加九咁樣。我就會簡單少少，因為養魚如不是為興趣，而是為招財，咁就就咁一條加六條就可以，因為一加六共水宗，水為財，直接以催財的數去配搭，便可以了。