命理隨筆 - 醜婦不需見家翁 (Patreon)

今集一見到個題目, 就知道今日要寫的主角, 就係人稱政壇桂綸鎂..... 呀, 係佢自稱的....  而正確係政壇馬海倫之啱, 佢就係容海恩.

曾經睇過一個電視節目, 話佢教女唔俾佢知有黃色, 而佢同佢姑仔袁彌明也不咬弦, 一定人食飯時係冇嘢講, 就自講都話唔講政治, 而佢哋講政治時, 馬海倫話佢自己唔出聲忍咗佢的.

咁究竟, 佢係咪真係會咁啞忍的呢? 定係只是對方人多勢眾而避談, 但滿腔怒火會發在袁彌昌身上呢?

佢命盤:

時日月年 運 年

吉乙丙丁 庚 壬

時未午巳 戌 寅

壬辛庚己戊丁

寅亥戌酉申未

睇佢個八字, 地支巳午未三合火局, 丙丁並透, 仲唔係從格? 呢個必定是從兒格, 其實都配合, 就咁睇佢八字配埋大運, 出身必定好, 但運入戊申後, 就要食自己, 或家道中落, 全部要自己打拼回來, 冇家人之助的了.

咁又唔一定誤入歧途, 人學壞總要有好多方法. 戊申/己酉運,, 反用土金, 但金會被火回尅的, 即係佢未選立法會前, 係一個律師, 有咁嘅大運, 自不然做律師得嚟, 生意都唔多好, 而家有機會用一啲踩界手段去行事. 因為傷官會尅官, 而制殺太過也主在行內會有不少是非口舌, 從而影响她在業界聲望.

咁喺香港地, 做律師好搵定立法會議員好搵? 咁做得叻的頂級的, 梗係律師搵得多, 唔掂的, 咁唯有轉一轉個平台, 難得聽話就有人賞識.

咦, 離晒題添, 講返佢喺命盤中, 同袁彌昌的關係點先.

古代命例有云, 尅夫者的女命, 食傷必然係重的, 因為佢好有自己的意見, 難聽啲即係唔聽人講, 思想偏執, 有包拗頸的個性, 更比七殺星嚴重. 因為七殺尅比劫, 但食傷會尅官殺, 你話唔係仲勁咩?

呢種性格, 係尅夫其中一種個性, 即係罵夫. 咁局中冇夫星俾佢尅咪得囉. 係的, 但第一點, 就算佢局中冇夫星, 佢現實中真係結咗婚嘛, 咁即係無形中佢局中咁勁的火, 會尅現實中的丈夫.

第二, 佢係會有大運的, 咁佢呢幾柱轉格局由從兒變做用財通關, 今大運庚金出干, 乙庚本來會情之合, 但中間有食傷又來尅, 即係海倫是愛彌昌的, 只係佢又不自覺地時常痛罵呢個冇用丈夫, 搞到彌昌好以好慘, 成為夾心人.

你咪話, 佢下一個大運為2027年的辛亥運, 之後壬子運, 癸丑運, 連續三十年, 佢都收得皮, 應該都唔會點選到, 或者會有健康問題, 仲要係大嗰隻.

今年壬寅年, 水木齊來, 唔好話丫, 佢每幾年就會有柒事柒出國際, 今年佢乙木通根於流年, 登報呢單嘢, 我估計, 唔會係阿爺叫佢做架啦, 係佢自己搞出嚟的白痴嘢.

最後, 望下佢先生, 袁爾昌, 究竟佢會繼續唔出聲丫, 定係會振夫綱痛罵佢老婆一頓呢?

命盤:

時日月年 運 年

吉甲癸丁 己 壬

時申丑巳 酉 寅

呢個八字, 似足佢個人呀, 原局冇強根, 毫無自己個性, 雖為甲木, 但是一條爛木, 冬日甲木本來用火, 但丁火天干一見癸水回尅, 地支巳火被泄, 火氣一柱但仍十分弱雞, 濁氣異常強勁, 為人隨風擺柳, 真心唔覺得呢啲八字係咩好人, 也不用戥佢唔抵, 或許今次單嘢係佢老公婆做場戲的技倆.

甲木丑月, 財星為月令, 財生殺, 殺尅日主, 即係呢條友, 十分怕老婆的人. 又行緊己酉運, 三合金局, 尅日主今年補回之寅木強根, 佢感受到十分之大的壓力, 當然唔會閙太太啦, 因為天干壬癸水繼續回尅丁火傷官, 邊度夠胆發表自己的意見丫.

好, 今集只係分析一下, 究竟容大媽2027年係咪仲選到立法會呢? 我哋拭目以待.