點樣可以贏到馬會錢？ (Patreon)

呢個題目，一睇落去，好吸引，有一個期待係，睇完會唔會中六合彩呢？

咁梗係唔會啦，以我少年時期經常入投注站買六合彩的經驗，睇下有冇啲馬會係特別容易中奬？

如果嗰間馬會，成日都俾人中頭奬走，即係證明，呢間馬會個風水，十分之差，連財也守不住。

不過一個好現實的情況，就係你自身要有一個好好的財運，或者係賭博得財運，先至有大的勝算。

師傅喺大學剛畢業後冇耐，嗰個大運應該係五年內，中了共三次的六合彩三奬，數目大概是十幾萬吧。咁嗰陣，我的確係行緊偏財運。

即係話，首先你要行緊偏財運先啦。

跟住，就要睇下，邊間馬會風水特別差。

如果喺香港，我嗰陣住荃灣，六合彩都係喺荃錦中心樓下嗰間投注站買的。

嗰個投注站,嗰陣時係地運不對的，即係未起運，佢做庄開賭，真係賭馬會米。

除了地運未起，紅黑法則裡亦錯晒，即係當時嗰個投注站都幾黑下。

拿不過咁，經過２０１７年後，地運的改變，呢間馬會又起運咯，啫係佢會贏錢，佢贏，即係你容易輸啦。

只要一間投注站風水差，有很大缺點，咁你就有機可乘。

師傅記得，當日呢間投注站，門口成日都內掘路工程，唔知掘乜，總之成日都有工程，一有動土喺正門，做生意就相當不利，所以大家見到有投注站門前修路，有工程進行，而自己唔係特別黑，咁買下六合彩都可以架。

衰風水除了以上之外，就係路沖喇，如果撞正東西向門前路沖的投注站，更家要幫襯下。

以上呢幾樣，係最衰的風水了。

仲有就係對住不留財的馬路，即係投注站正門係反背馬路，反者係有水都唔入舖，咁間投注站又點會掂丫。

仲有，割腳水，反弓水，一律視為差的風水。

不過，所謂一命二運三風水，如果你個八字，係冇橫財命，當時又冇賭錢贏錢偏財運，仲黑過墨斗，你都唔駛旨意喺馬會身上鑽中錢來，因為命同運，比風水重要，所以路過一啲風水有問題的投注站，都係小注怡情好了。