命理隨筆 - 查理斯，三世。 (Patreon)

隨著事頭婆伊利莎伯二世於日前逝世，代表一個時代的終結。

呢一位英國皇后，對於香港昔日的繁榮，有一定的功勞。

佢嘅兒子，查理斯王子，自動成為皇帝，成為查理斯三世。

先不討論，現代社會裡，應不應該廢除帝制，我哋今日討論的話題，是查理斯三世，究竟仲可以做幾多年呢？

今日簡單睇下佢嘅八字丫，拿，點解係簡單呀？因為佢都冇乜豐功偉績做過，佢一出世都唔只係含住金鎖匙出世了，一生人都唔駛做，而家到七十六歲，突然要做嘢，真係唔知點好架嘛。

命盤：

時日月年 

癸癸癸戊

亥卯亥子

呢個表面上係屬於專旺格嘅八字，癸水生亥月，天干再兩透比劫，地支劫財在年柱，癸水日主自坐卯木，地支亥卯半合，水木成象，牢不可破，必以水木順其氣勢為用。

年上戊土為病，去其病處，即為大吉。

其實佢個八字，冇乜好講，我係見過一個類似的八字，係我一個客仔的女朋友嘅，同呢個有九成相近，嗰個女仔，係一個上市公市主席女兒，而間上市公司，係香港上市的，名叫XＸ地產的公司。即係又係一出生就唔駛做。

有呢類八字，唔一定是大富大貴，咁啱呢兩個例子都係啫。

呢個八字的一生，都冇乜好講的了，因為佢都冇乜嘢做過，咁講下佢同戴安娜皇妃結婚嗰年丫：

時日月年 運 年

癸癸癸戊 丙 辛 

亥卯亥子 寅 酉

１９８１年，佢係丙寅運入面的，丙運似乎麻麻，唔知佢係咪溝唔到人定點，已經係一生的霉運。咁１９８１年佢同戴安娜結婚，在走寅運，寅亥合木，寅卯又半合且引動妻宮，即呢個大運，好大機會拉埋天窗了。

流年辛酉，講開辛酉，原來我都好多朋友係辛酉年出生。。。。

呢一年，係查理斯的桃花年，說明佢桃花到，有利姻緣。

地支卯酉相沖，即係感情變化，再唔同人結婚，就會分手，咁好彩，呢一年，又真係俾佢結到婚。

時日月年 運 年

癸癸癸戊 丁 甲

亥卯亥子 卯 戌

１９９４／５年間，查理斯正在走丁卯運，差不多走完架喇，點知１９９４年甲戌流年，戊土本來為一件廢物，點知呢一年突然通根，成為咗財官格，而甲木生丁火，傷官生偏財，即係溝緊老婆以外的另一條女，甲木生完財，會順手尅戊土正官，即係佢失控咁溝女，當然嗰條女，就係而家啱啱成為皇后的卡米拉，係呀，卡米拉呀喂。。。。。

咁１９９５年戴安娜接受訪問時，大爆查理斯有外遇，１９９６年二人就離婚了。

查理斯喺２００５年，就正式同呢位卡米拉結婚了

時日月年 運 年

癸癸癸戊 戊 乙

亥卯亥子 辰 酉

２００５乙酉年，又係卯酉相沖，引動妻宮，又結多次婚。

其實佢個八字，因為原局冇財星，所以並沒有顯示佢一生人會有幾多次婚姻，只能靠大運流年，同埋當時佢的狀況，再同佢推算。

對佢都冇乜嘢講，咁睇下佢到邊人手會有大劫：

癸癸癸戊 辛 甲

亥卯亥子 未 寅

２０２６年本來會有一次水火相沖，但查理斯到時只是７９歲，以佢哋家族咁長壽嚟講，可能會有血光，或者有意外，但應該冇咁快就死，做三年皇帝就完太可惜了。

２０３４年，辛未大運，本來為病的戊土通根於未，又變成財官格，未土與原局合成木局，而流年甲寅木氣又是極旺，形成傷官見官，正所謂不入法院入醫院，到時佢必定會有一大劫。