命理隨筆 - 今日好多人生仔？連大有錢佬都揀今日開刀產子？ (Patreon)

今日群組內，有學生PＯ咗一個八字出嚟，係今日辰時的。

話佢朋友擇咗今日生BＢ，個師傅仲話，好多有錢佬都係揀今日開刀，讓BＢ在今天出世。

不過，當然唔係咁簡單啦。

今日呢個日子，一齊嚟睇下先：

丙生戌月，自坐羊刃，有寅木為印星幫身，呢個八字，強到不得了。

咦，陽日主，最緊要強，有根嘛，係，係咁講啫，係咪強過頭先？

壬水在年干，有庚金去生佢。

又話丙火見壬水好嘅？

係，不過，個壬水冇根嗰喎，很庚金去生佢，個庚金又係冇根架喎。。。

壬水兩透，七殺兩頭掛，用神兩現，已不清純，而且兩殺攻身。

咦喂，女命嚟架喎。。。。

丙火自坐午火，孤鷥然嚟嘅？

女命嚟講，姻緣必定不佳。

七殺透干，要掌權，男人冇訂企。

日主很旺，做人很堅持，不會認低威。

自坐羊刃，為刑尅，即係夫妻宮被刑尅，個老公唔係身體差，就係事業欠佳。

行啲運呢？個八字要金水，但到２５歲就行火行木，即係去到２５就冇運行，人生會遇上很多波折。

咁其實有兩星期可以揀，點解會咁？

我都唔知，我唯有幫該為師傅解話，或者冇乜邊日好呢。

女命嚟講，如想姻緣好，最好唔好咁揀，除非你想自己個女第時做單身的女強人，又惡又乞人憎啦。

你自己想咋喎，你有冇問過個女先？

咁佢係你個女，你話事啦，但師傅有冇解俾你聽先？

冇？咁點解佢要揀呢日呀？

唉，我都唔知呀，又唔係我揀嘅，冇咩我出返去先喇。