命理隨筆 - 同性戀的八字 (Patreon)

呢個topic，係源自於幾日前，睇到一個臉書群組，佢哋有人問，點樣會用一個八字，就知道呢個人，一定是同性戀的八字。

個群組係咁問，有人咁樣回答喎：

９０％准！

不必一分鐘就可知道。

師傅對呢啲回覆，只是嗤之以鼻！

師傅對同性戀愛係冇特別的意見的，因為，兩者相愛，又關外人什麼事呢？

講返呢個主題，究竟，係咪真係一睇個八字，唔駛一分鐘就知道呢個八字是同性戀的呢？

師傅好肯定咁回答，不能！！

由香港走到澳洲，師傅不知睇過批過幾多個同性戀的八字，根本沒有一個特定的格式。

殺印相生，食傷生財，從格，總之乜嘢格局，都有機會重格。

以前學八字，老師都唔能夠鐵口直斷。

喺我嘅立場，同性戀者八字基本上同一般人冇分別，所以鐵口直斷佢係定唔係，根本毫無道理。

我成日都會講，同呢個人同一個八字的人，大大話話，全世界都有成幾千人，你能唔能１００％肯定，呢幾千人，全部都是同性戀，如果不能肯定，哪就不要再吹噓了。