住同一坐向的屋，但運勢郤天淵之別？乜解究？ (Patreon)

最近，有一位朋友，話俾我知，佢而家搬咗去的新居，一搬入去，即時行大運，好好運！

而由於兩間屋，係同一個坐向，冇理由一間屋，住入去後，霉過梅菜王，但一搬咗去一間同一坐向的屋，即時轉運，喺新屋住的第一天，已有公司打來，叫佢去面試，好快又叫佢返工，人工仲高好多云云。

佢呢間屋已經住了接近一年，由於係租的關係，業主係咁加佢租，所以佢要搵屋搬，想買樓咁話。

係咪真係咁奇？同一個坐向，同一個局勢，可以差咁遠？

其實，可以慢慢咁去分析，去睇下兩間屋有乜嘢唔同。

第一，舊屋係七運屋；新屋係八運屋。

呢個係其一，因為一轉了二月八運的九運，其實吉方的動氣位置，兩間屋都係一樣，唔同的，就係個運盤排出嚟，星氣的分別。

舊屋，佢床的位置不是太差，只是門動方不是太好，冇乜助力，所以我斷佢２０１７年後，運勢開始麻麻。

佢有一仔一女的，大仔一直都瞓喺個火炎土燥的位置好多年，所以在學校的成績及表現一直都係普通；反而女兒瞓一個偏財位，書枱是文昌位，讀書成績相當不錯。

搬咗去新居後，子女瞓的房間，窗的位置同門的位置一樣是吉位，而瞓覺得位置都是相當不錯的星氣，這樣已經大不同，所以兒子搬了後，轉了一間新學校，學校也是我占卜所出的，在新校，兒子學業及表演有強烈的進步。

女兒也是一貫地成績理想，課外活動成績也突出。

咁佢老公工作又點呢？係冇錯，係新工的待遇不錯的，不過似乎門路其實也不對，這一種好持久不了的。

同埋，呢兩間屋，有著同樣的問題，就係，當２０１７年後，入住者的健康，會慢慢的差落去，即係一間不旺人丁的屋，住得耐，健康必定唔掂。

咁佢同我講，冇錯，搬咗入去，睇醫生仲多過乜，而佢先生的身體，真係麻麻地，有乜病就唔喺度講，但總之問題都幾嚴重。

所以，總結來講，兩間屋，有相同之處，就係人丁不旺，不利健康，不利人事；但如果睡房的門路窗口，床的擺位，可以救得返，咁事業，同埋小朋友的學業，都會有上升的空間，只不個係，係呀，喺職場有著不錯的進展發展，但健康不可不防，隨時有慣低的可能啊。