葫蘆化病？ (Patreon)

坊間很多文章，或很多大師，會說，病位在這，要放個葫蘆化病。

呢樣嘢，大家一定聽過啦？

而家更家有一種說法，話葫蘆能化煞，話如果對面屋有煞直沖自己，或者路沖，或者其他煞，也可掛個葫蘆來化咗佢。

更有說話葫蘆係用來催財，招福。。。。

師傅真係搞唔清了，大佬呀。。。。。。

唉，我都唔知點向啲客人解釋好，喂人定上晒電視咁教人喎，唔通會有錯？唔同你呢個冇人識嘅風水佬，會啱咩？你會叻得過人哋咩？

我會稱呢一類師傅為，市場上很成功的大師。

。。。。。。。。

呢個話題就到呢度啦，再寫落去，又得罪人架喇。

又講返葫蘆啦，呢件東東，係以前啲大夫，掛喺個診所門口，話俾人知，自己係做大夫的，所謂懸壺濟世，個壼，咪就係好似個葫蘆咁嘅形狀囉。

至於葫蘆同醫有乜關係，又要講返啲風水嘢，其實係陰宅之中，有葫蘆水，即蔭出來的子孫，有很大機會成為醫生，有此由來的。

咁葫蘆同化病有冇關係呢？

佢嘅同五行無關，又沒太大象意的關係，難度你想屋企成為病人常來的地方，變成診所？

有冇效自己諗了，病位屬土，通常以金去化，你放金葫蘆我勉強成立因為土生金，但整個天然的葫蘆瓜真係不得理解。用來擋煞，招財，納福，我更加不思不得其解。