催桃花，斬桃花？ (Patreon)

最近，有一客人還上了難題，不過係佢個仔的問題。

佢個仔同新抱，正在閙離婚，成日搞到家嘈屋閉。

先撇除了命理的關係，呢個客人的仔，已經四十歲了，但仍然是一個所謂的"媽寶"，我可唔可以講叫做裙腳仔？咁又好似好難聽咁，但師傅唔識點用形容詞佢形容。

佢好少朋友，所有大小事都係阿媽（即係我呢位客人）幫手解決。

佢好早就結了婚，仲生了兩個小朋友。

咁人到四十，對方到了呢個年紀，面對住一個媽寶，自己又在出面開始認識了一啲唔同嘅人，特別係異性，咁個心可能就會泛起一陣漣漪：咦？乜呢個世界上，有啲咁好嘅男人？而我嗰個，竟然係一個好唔成熟，脾氣咁大，乜都要問阿媽的媽寶？

結合埋命理，客人的新抱，喺２０２２年真係出現咗一個好鍾意的男人，我估計呢個街外男人，係已婚的，雖然冇證據，不過用八字去睇，都好有把握。

而媽寶亦都從很多蛛絲馬跡之中，發現佢外面有個極不尋常關係的男性＂客戶＂。

言歸正傳，客戶想佢兩公婆不計前嫌，重修舊好，不論有冇派帽俾自己個仔戴也好，只想佢哋維持返個正常家庭，咁個仔又會正常返，啲孫仔女也可以在正常環境中繼續成長。

咁呢個係客人自己嘅諗法。

客人問，可否有啲嘢，斬去新抱出面嘅桃花？

佢有睇好多唔同的免費文章，上網貼文，話可以斬斬斬，斬去一啲爛桃花。

坊間的方法不得而之了，各施各法，用風水又有，用法術又有，師傅不喺度評論。

不過，當你斬桃花的時候，會有兩個問題發生。

第一，偏財也一樣被摧毀，因為桃花也為人緣星，偏財星，咁如果你很注重搵錢的，或者手停口停的家庭，一旦斬桃花，你的收入也保不了。

客人說，我全家正財，沒所謂，你斬吧。

咁就要講第二點了。

因為你在自己的家中佈局斬桃花，兩公婆睡在同一床上，你去佈局，一樣會影响到他倆的感情，佢兩個的緣份，也會一併斬去。

其實所謂斬桃花，用五行氣的方法去佈局，其實很大程度上，是一方想斬斷和另一半的情絲的做法。所以師傅從來不做呢件事的。

咁催桃花又點呢？

坊間有很多免費文章，話幫你催旺人緣桃花，不過師傅不作評論了，大家就試試吧。

客人新抱的外遇，在其命盤上有跡可尋，即係話，你唔駛去催，如果係喺命中會發生，佢一定會來到上門來找你的。