命理隨筆 - 突然爆紅，絵麗奈會紅幾耐？ (Patreon)

這陣子，茶餘飯後，成個社交媒體，全部都是一個叫絵麗奈的報導。

師母：咦，嗰個毒海霖係乜水，全部都係講佢嘅？

我：嗰個係素字嚟嘅。。。

連我太太都有啲關注呢個人。

究竟佢又係唔係命中注定要做呢行？而佢又會紅幾耐呢？

睇下佢個命盤先：

其實睇得多我哋呢個patreon都知道，其實人生係冇命中注定呢樣嘢，做咩只係你嘅選擇嚟，只要運一到，你就會一炮而紅。

壬水寅月，自坐午火，咁呢個八字，好大機會係從財格啦。

從財格，即係忌金水，咁佢之前嗰幾年，由出道至２０２１年，都係走金水流年，咁梗係唔係好順利，因為年支丑土，大運辰土，都對２０２０年２１年的地支亥和子構成壓力。

去到去年２０２２年走返水木流年，佢開始有上電視節目的機會，上咗去戀講嘢度做一集節目。

你會問喇，又話行運，在此之前，都唔識佢。

其實由紅到爆紅，中間需要一個引爆點，同埋佢要考慮埋自己的條件，如果繼續留在演藝圈，就算行好運，再順利，也只是一個有戲拍，多人識的演員，未必可以做到人人留意佢。

所以，如你知道自己行運，而跟住去做一啲自己的興趣，又或者有得發揮的行業，你都會有很好的發展。

咁佢會行運行到幾時呢？

佢而家呢個甲辰運，也是春令的運，七殺代表事業，佢呢五年係好想在事業上有大突破的。

２０２４—２８年，乙運，她的事業會更進一步，想搵大錢，呢五六年，可以話係易如反掌。

２９—２３年，佢嘅事業轉為平穩，或許退居幕後，或許搵到個好男人拍拖而減產，總之她的事業也會穩定，不會太差，因為始終傷官生財，錢財也必定不缺。

２０３４—２０４３呢十年，仍然搵到錢，雖然拍Ａ片可能冇人睇了，或許到時憑經驗或人氣，仍然維持高收入或錢財機會不缺。

得出結論，佢係行緊運。

完。