係又神棍，唔係又神棍？！ (Patreon)

執筆之日，咁啱喺群組，見到一位Ｃ＿ＨＩＮＧ申訴，話俾人屈佢係神棍。

其實，而家要抹黑人，好容易架咋，任何人，也可以俾人話是神棍。

你話人係神棍？憑乜嘢先？有冇證據呀？你話係就係呀？

即係同行如睇人唔順眼，開幾個冇相的鬼戶口，跟住留言係咁抹日某人就得，唔需要太多成本，成本只係少少ＤＡＴＡ，打字同諗下點寫臭佢的時間，咁就可以將一個人抺黑。

而現在只係倚賴社交媒體俾資訊的人太多，完全唔會有自己想法，見人哋唱某人，就以為真，搖旗吶喊，從而為呢個惡意ＰＯ製造大量流量密碼，即係一齊助攻去在冇証據的情況下去抹黑一個人。

究竟收人錢做嘢，做得唔好唔準就係神棍？咁我又想問下佢，佢返工逗人幾萬蚊，又有冇曾經做錯過嘢，又有冇偷懶渣流攤，又有冇頂撞上司？如果有，佢又係乜嘢棍呢？

所以如果大家入到某一啲面書群，再入埋一啲私人的WＡ群，有啲唔知係乜人，係咁抹黑某啲師傅，但又冇證冇據，咁你就要諗下，係咪同行抹黑，又或者佢有時上過電視或拍過啲片，係某一證份人唔鍾意，要決心唱臭佢。

所以有一日，師傅我俾人唱衰，一啲都唔出奇，不過，我問心無愧就可以，因為大家都繼續訂閱呢個頻道，如果係冇用，大家一早就唔再訂閱啦。

喺我個立場，所謂神棍，係要存心用術數去呃人，例如明知啲嘢冇用，但都賣到好貴，又例如明知啲法事冇用，都叫你用好貴的價錢去做，又或者嗰啲什麼性交轉運呀之類，因為風水命理，都唔會叫你咁做的。

而家佢哋係唔係都叫人神棍，其實有智慧的大家，一睇就知是什麼事了。