上年用完的風水物品點處理？ (Patreon)

喺網上見到一啲，話要處理去年風水物品的文章，

唔用的話，係咪要掉咗佢？

定係收好去？

跟咗師傅耐的朋友友們，都知道，風水擺設，其實只是一種啱五行氣而擺放喺嗰個空間的室內巒頭嚟，所以，沒有什麼神怪的東西。

坊間有啲師傅，賣埋所謂加持過的風水物品，可能貴和淘寶同款的十倍，既然已經買咗了，咁係咪又係用一年又掉呢？

叫人掉咗佢嗰啲，當然又係生意手法啦。

師傅好鍾意叫人收好晒所有唔用的風水嘢，等到某年某月要用時，就可以拎返出嚟用。

用冇一啲唔可以重用的風水物呢？

可能有的，但一定唔係葫蘆，因為我都唔用葫蘆嘅。。

而葫蘆喺咁多年嘅風水節目中，都係用嚟化病，唔知幾時又變咗吸病氣。

唔能夠重用的，應該是衛生問題，整污糟咗呀，或者打爛咗呀，咁就應該要換過佢喇。

記住，係換過個新，唔係掉咗佢就算，因為你唔擺返件嘢上去化解，好易因為嗰個宮位冇咗保護，你就會奶大鑊嘢了。

風水物品，梗係可以重用啦，唔駛掉咗佢買過，我甚至有時借俾人，作特定的用途，因為有某啲嘢好難買，或者絕咗版，所以如果我仲有幾套的話，我可能會借俾有需要的人，等事情辦妥，應驗，我就會拎返，下次自用，或者又會借俾人。

收埋嘅時候，又駛唔駛擇吉日呢？其實風水你可以話係古代科學，不太涉及過份迷信，唔駛下下樣樣都要擇日，流年風水唔駛一定要擇日，但流月風水或奇門風水就要擇吉日放，因為兩者系統不一樣，而氣的流轉時間及速度也不一樣。

至於點收納，我會搵個盒裝起佢，收起個櫃裡面就得，用唔用紅紙？我就冇喇，大家如果想的話，也可以的，因為冇乜分別。因為你擺風水，係擺出嚟令個空間的五行氣，對自己間屋有利，即對住喺裡面嘅人有利。你唔用佢，收納時就當你處理不當，也唔會對人有影响。

重申，師傅係冇賣風水物品的，所以可以暢所欲言。