滬深300跌3.6%, 中國10年國債債息繼續跌 (Patreon)

新一年新開始，但係A股創下2016 年以來最差嘅開局，滬深300指數最多跌3.6%，穿埋3,700 點，而上證都要跌2.7%，大市都係最尾10分鐘反彈返少少。港股都係咁上下，收市跌2.2%。

港股上年係五年以來第一次升市，大家都想靚些少盤數。但係到星期四，2025年第一個交易日，大家都一齊揼番啲貨出嚟。加上人仔係31號一度跌到去7.37而中國10年國債債息繼續跌，去到1.62%，繼續risk off，而低息環境，其實對金融股不利。

Chart: 中國10年國債債息 (2022 - 2025)

之前可能都講過，中國係10月份趁着股市大反彈，實體經濟係有改善，但係到11月之後，又轉差返。12月澳門賭收跌2%，對比市場預期升2%，係疫情之後第一次錄得單月嘅按年跌幅。

之前有留意開金沙(1928)個走勢。但係最近跌嗰時成交高過呢兩個月嘅平均。個set up就開始冇咁靚。

汽車股雖然12月嘅銷售都唔錯，但係小鵬(9868)認為汽車市場的競爭會更加激烈，並預測價格戰會從1月份開始。小鵬(9868)同理想(2015)已經開始“兜底放心購”嘅計劃，者係今個月完成舊車報廢並購買小鵬/理想汽車，可享國補等值積分兜底保障。另外小米(1810)，出年出SUV，同埋2025年目標30萬架，。

政策方面，嚟緊暫時睇唔到會有大轉向。原本以為年尾會有次降準，但係人民銀行係年尾向市場投放了大量流動性，而家可能要等到Trump 上台之後先會降準，去對沖關稅。而人仔貶值都會用到，聽啲做找換店嘅人講，佢哋內部睇今年有人仔機會去到7.70，差唔多1:1 港紙。

Chart: CNYHKD匯率

而人大會議就會係3月頭舉行，到時先會有詳盡嘅政策。暫時都係等。而家都係做啲小動作，政策真空期就頂住先。就算央行啟動第二輪550億嘅互換便利操作，市場都唔係好買帳。另外國內公務員加薪，至少都有$500人仔，希望可以幫到消費啦！暫時都係幾隻新零售股吃香啲，例如泡泡瑪特(9992)名創優品(9896)老舖黃金(6181)。

Watchlist

 Trip.com (9961): 跌穿咗stop profit level, 平手離場 (+0 R)

小米 (1810) 將stop profit level 搬到近排嘅支持將股票放風箏

 Miniso 名創優品 (9896) - 除了價格，還要留意成交有無爆升理確定突破

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。