港股 Update - Nov 17, 2022 (Patreon)
Content

恒指由上星期四美國CPI之後一個星期,升左2,000點。今次真係3枝陽燭改變信仰,由過街老鼠,變咗做個個追貨。首先係房地產同清零政策嘅轉向。長錢基金一直都underweight 中國,對沖基金佢哋今年一直都係短債短股,尤其短新興市場,同埋長美元 (crowded trades),所以美國CPI一出,加上大陸政策轉向令到佢哋要急平倉。
BofA Fund Manger Survey: Most crowded trades as of November

_____________________________________________________________________________
Bloomberg (article here): 中資股劇烈反彈,幾周前剛從這些股票創紀錄暴跌中大賺的賣空投資者突然之間形勢逆轉。根據金融分析公司S3 Partners的數據,本月截至11月10日,做空在美國上市中國股票的交易員匆忙買回了價值2.34億美元的股票,與此同時,被做空中國股票的總金額增加了超過26億美元。對中國重新開放經濟的希望成為中資股狂熱的催化劑。跟蹤65支在美上市中國股票的那斯達克金龍中國指數11月上漲25%,有望創下至少2001年以來的最大單月漲幅。相對於10月份才出現史無前例暴跌的中資股來說,這是一個驚人的轉變。
「10月增加了空頭頭寸的交易員正在削減倉位,並開始在盈利消失之前兌現一些利潤,」S3的董事總經理Ihor Dusaniwsky表示。他說,空頭回補已經超過了10月1.4億美元的淨賣空。相比之下,9月份新建立的淨空頭頭寸只有700萬美元。根據S3,交易員最積極回補的是在阿里巴巴和拼多多股票的空頭倉位。
____________________________________________________________________________
關於清零政策,琴日傳美國商會話農曆新年之後會變做3+3。跟住3月31號之後變做0+3,雖然佢哋之後否認左。仲有就係習近平同拜登星期一嘅會面,似係話俾人哋聽中美關係應該唔會再差落去都比到市場信心。
之後再房地產好似個政策力度越來越大,連融創(1918)同恆大(3333)都想救吓。

融創據悉與其顧問中金一道研究人民幣債券延期計畫
路透:恆大計畫將境內資產用作增信 爭取讓海外債權人同意重組方案
仲有碧桂園(2007)同埋雅居樂(3383)配股,聽行家講係啲基金主動問佢哋攞貨,應該有一部份係攞嚟冚淡倉,另一啲就去長錢喺街買唔切貨。因為好多基金都收唔到call,所以碧桂園配股配股之後可以倒升。不過第日到埋雅居樂都配埋之後,市場真係有啲驚,驚仲有冇第345間要配股。
今個禮拜主角係騰訊(700),喺騰訊業績之前已經有騰訊音樂(TME)知乎(ZF)名創優品(MNSO) SEA(SE),佢哋出完業績都係夾咗幾成。而市場對騰訊業績冇乜期望,出嚟都一般般。不過最緊要就係佢哋divest美團(3690)。其實主要嘅concern,係南非佬會沽貨,佢哋派到大約270球貨,要留意1月5號 ex-date 同埋3月24號收到貨。市場睇法,都係一個雙贏嘅局面,騰訊嘅監管壓力細咗,美團嘅overhang終於冇咗啦。雖然美團股價短期會有波動,但係基本面係冇改變。所以啲基金都係跌咗落嚟$150邊就開始撈。

騰訊咁嘅玩法即係一年派一隻,嚟緊應該大機會係拼多多(PDD),不過覺得要等拼多多出年喺香港上埋市,應該就會派,騰訊手貨都差唔多成千億。仲有就係人民日報琴日離奇地唱好遊戲產業話電子遊戲早已擺脫娛樂產品的單一屬性,已成為對一個國家產業佈局、科技創新具有重要意義的行業,值得重視和深度挖掘其潛在的價值。同埋管理層放曬風,有信心咁講預計未來將相對快地發放更多商業遊戲的版號。咁啱星期四晚大佬又批咗70隻遊戲騰訊/網易都有分。
而家香港個市嘅情況就係三日升咗2,000幾點,一開始就對沖基金冚淡倉,跟住連續兩日gap up(星期五同星期一)好多權重股兩日升咗兩成,令到好多人都唔敢追,或者追得太少。騰訊/阿里/美團,3隻加埋差唔多係MSCI China 25%權重。今個月恒指升咗23%,MSCI China 升咗26%,令到好多underweight咗中國嘅基金要加番倉,起碼都要去返equalweight,佢哋今年跑嬴咗十個月,而家一鋪輸晒。而美國基金都係一樣,有啲10月份開始加緊,有啲就一路轉來香港。唔夠貨嗰班,見到個市一回就諗位買,有人出手就一齊買,所以見到個市係有支持。
阿里今日出業績,今個星期見到幾多人追,有機會因為終於搞掂咗重慶螞蟻嘅105億增支方案,雖然比今年年頭嘅220億少,會唔會嚟緊螞蟻有機會重新上市呢?雖然個銀碼一定細好多,但係都會標誌阿里事件終於告一段落。不過業績係冇乜亮點,大陸消費差,雲業務又冇乜增長,雙重上市又要延期,唯一係加大回購同埋估值平。阿里係MSCI EM Index (EEM)第四大權重同埋MSCI China (MHCI)第二大權重股。
免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。