Home Creators Posts Import Register Favorites Logout

Content

Update下三個星期前分享交易。當時9901已經突破同埋玩咗一轉,所以我就搵下一個目標。839是同行嘅教育股票,而圖上,只是剛剛突破。所以在12月16日就同大家分享,要留意呢隻股票。

過咗三個禮拜,佢已經升咗25%。從風險同回報角度嚟睇,同埋長期嘅阻力。我覺得係咁短時間賺咗25%,係一個好時機嚟食糊。袋定啲利潤,然後留返一部份放紙鷂。

Post from Dec 16, 2022:

Stock up 25% since breakout

Getting near support level from early 2022 - now potential resistance


星期二返嚟,一開市大跌500點,唔夠一個鐘就V返上去。之後就一路上,收市倒升400點。星期三返嚟,啲人見到之前日嗰咁,見到美國啲中慨股又係升到傻咗,個個即刻追貨,主要都係騰訊同阿里,長錢/對沖基金/中資/外資都有。

HSI back above 200MA


但係去到星期四就比較麻煩,首先有四隻批股,雖然銀碼唔大,但係呢啲嘢應該會陸續有嚟。指數裂口高開,三日升咗10% (由星期二低位計)開始有人食糊,加上開始超買,恆指RSI去到72。而FXI 都見到短期見頂訊號 (Demark 9), 所以指數都係回一回更建康。而星期四上晝成交成一千億,下晝靜返晒,成交得750億。而下晝亦都多咗沽盤出嚟,主要都係科技股一類。 大市成交最後去到1,750億,不過沽空又上返去20%。

科技股呢𨍭都差唔多,阿里升穿100,呢兩日真係好多人追,連之前啲大淡友都轉身買貨。其實螞蟻嗰新聞係上個星期五出,不過市場有時就係咁,delay reaction。而家班友又開始講螞蟻上市,可能就快搞掂雙重上市準備入北水名單(原本預計係上年年尾搞掂,而家delay唔知幾時)。再加上大陸嚟緊要谷消費,阿里係受惠。人民日报有篇文話把恢復和擴大消費擺在優先位置 著力擴大國內需求。

騰訊除淨美團特別股息,之後仲要高開返去到360。同埋加上之前pair trade 嘅long騰訊short美團平倉。 不過呢排少見咗美團flows。

富途單嘢其實應該對大陸券商係好事(至少係marginally),加上A股星期四開追落後,茅台/寧德時代/平安/五糧液/东方財富,都見到資金流入,北上淨流入127億,創兩個月新高,金融股(尤其係券商)應該可以繼續留意。

Chart: Northbound inflow


香港本地股同澳門股應該都會係趁通關好消息出貨。如果呢個真係牛市,應該會見到板塊輪動,科技股抖一抖,而其他周期股補上。

Chart: 之前提過要留意嘅澳門股票 1928


摩根士丹利量化策略師表示,隨著中國重新開放,內地投資者一季度應買入科技、非必需消費品和材料等行業的周期性股票。

其他板塊:

芯片:中國或將暫緩大手筆晶片投資,因財力受到新冠疫情掣肘,應該會對現行嘅製造商,好似中心華虹復旦比較有利。

內房:而家乜招都出嚟。1)中國住宅類房地產私募股權基金據悉已重啟備案。2)中國政府計劃進一步提出房市支持措施,以緩解部分「大到不能倒」建商的流動性壓力。3)考慮將房地產佣金指引區間設在銷售價格的2%-2.5% (對市場情緒 positive)


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Comments

CHI SUM HO

Thanks Ju. You think FUTU is a good time to buy now? It dropped a lot last week seems gradually picking up this week

Lami

Thanks ArJu!

CHI SUM HO

Short term speculation. Personally I m also using futu app. It’s by far the best app in hk (very similar to that of IB). Want to join the rally and expect it to reach at least 50. U think worth to risk ?

johnny

打算將1928轉戰去2382,呀朱點睇?

Francis Chan

阿豬,不如開過長缐退休倉!每月list啲低估做長倉!你有Bromberg 機會易搵好多!我願意加錢subscription.

阿豬搵錢日記

長線投資嚟講,長倉每個月唔會有太大變化。如果每個月都有改變嘅話,咁其實都唔係長線投資。

Francis Chan

我表達得唔好,意思係每月有一個數目可以去買股票,正如好似儲錢咁